തെന്നിന്ത്യന്‍ സിനിമയിലെ പ്രിയ നായികയാണ് ദിവ്യാ ഉണ്ണി. വിവാഹത്തെ തുടര്‍ന്ന് അഭിനയത്തില്‍ നിന്നും വിട്ടു നില്‍ക്കുന്ന താരം നൃത്തത്തില്‍ സജീവമാണ്. താരം സോഷ്യല്‍ മീഡിയയില്‍ പങ്കുവയ്ക്കുന്ന ചിത്രങ്ങള്‍ വളരെപ്പെട്ടന്നു തന്നെ തരംഗമാകാറുണ്ട്. ലോക്ക് ഡൗണ്‍ കാലത്ത് പഴയ മോഡല്‍ ഫോട്ടോകള്‍ ഷെയര്‍ ചെയ്യുകയാണ് ദിവ്യാ ഉണ്ണി. ഏപ്രില്‍ 18 എന്ന സിനിമയുടെ പരസ്യത്തില്‍ മോഡലായതിന്റെ ഫോട്ടോയാണ് ദിവ്യാ ഉണ്ണി പങ്കുവച്ചിരിക്കുന്നത്.
ബാലചന്ദ്രമേനോന്‍ ഒരുക്കിയ ഏപ്രില്‍ 18 നടി ശോഭനയുടെ ആദ്യ ചിത്രം കൂടിയാണ്. ഈ ചിത്രത്തിന്റെ പത്ര പരസ്യത്തില്‍ മോഡല്‍ ആയി നില്‍ക്കുന്ന ചിത്രമാണ് എന്റെ ആദ്യകാല മോഡലിന്റെ ഓര്‍മ്മകള്‍, ബാലചന്ദ്ര മേനോൻ സര്‍ സംവിധാനം ചെയ്‍ത ഏപ്രില്‍ 18ന്റെ പരസ്യം എന്ന് കുറിച്ചുകൊണ്ട് ദിവ്യ ഉണ്ണി പോസ്റ്റ്‌ ചെയ്തിരിക്കുന്നത്.
ശോഭന ചേച്ചിയുടെ വര്‍ക്കുകളും സിനിമകളും തനിക്ക് ഏറെ ഇഷ്‍ടമാണ് അവരുടെ കടുത്ത ആരാധികയാണ് താനെന്നും ദിവ്യ ഉണ്ണി പറയുന്നു.
Post Your Comments