കഥാപാത്രങ്ങളുടെ പൂര്‍ണ്ണതയ്ക്കായി താരങ്ങള്‍ നടത്തുന്ന മേക്ക് ഓവര്‍ എപ്പോഴും ചര്‍ച്ചയാകാറുണ്ട്. അത്തരത്തില്‍ ഒരു വീഡിയോ സോഷ്യല്‍ മീഡിയയില്‍ വൈറല്‍ ആകുന്നു.
തെന്നിന്ത്യന്‍ പ്രിയ താരം സൂര്യയുടെ ഏറ്റവും പുതിയ ചിത്രമായ ‘സൂരരൈ പോട്ര് ‘മേക്കിങ് വിഡിയോ റിലീസ് ചെയ്തു. 44-കാരനായ സൂര്യ പത്തൊൻപതുകാരനാകുന്നത് ഈ വിഡിയോയിൽ കാണാം.
സംവിധായികയായ സുധ കൊങ്ങര അണിയിച്ചൊരുക്കിയ ഈ ചിത്രത്തില്‍ പത്തൊൻപതുകാരന്റെ കഥാപാത്രമായി സൂര്യ തന്നെ എത്തണമെന്ന് സംവിധായികയ്ക്ക് നിർബന്ധമായിരുന്നു. കുട്ടി സൂര്യയായി ആരാണ് പ്രത്യക്ഷപ്പെടുന്നതെന്ന താരത്തിന്റെ ചോദ്യത്തിന് നിങ്ങൾ തന്നെയെന്നായിരുന്നു സംവിധായികയുടെ മറുപടി. അവിടെ നിന്നും സൂര്യ ആ കഥാപാത്രമായി മാറുകയായിരുന്നു.
ശരീരത്തിൽ മസിൽസിനു പ്രാധാന്യം കൊടുക്കാതെ ഭാരം കുറയ്ക്കുന്ന ഫിറ്റ്നസ് പരിശീലനത്തിലൂടെ മൂന്ന് മാസങ്ങൾകൊണ്ട് 15 കിലോ ഭാരം അദ്ദേഹം കുറച്ചു.
മൂന്ന് വ്യത്യസ്ത ഗെറ്റപ്പുകളിൽ സൂര്യ എത്തുന്ന ഈ ചിത്രത്തില്‍ അപർണാ ബാലമുരളിയാണ് നായിക. സൂര്യയുടെ 2 ഡി എന്റർടെയ്ൻമെന്റ്, സിഖീയ എന്റർടെയ്ൻമെന്റ് എന്നി നിർമാണ സ്ഥാപനങ്ങള്‍ സംയുക്തമായാണ് ചിത്രം ഒരുക്കുന്നത്.
Post Your Comments