കൊറോണ വൈറസിന്റെ പശ്ചാത്തലത്തില്‍ അമേരിക്കയില്‍ കുടുങ്ങിയ വിവരം പങ്കുവച്ച് സംവിധായകന്‍ സിദ്ദിഖ്. ഫേസ്ബുക്കിൽ പങ്കുവെച്ച കുറിപ്പിലൂടെയാണ് അദ്ദേഹം ഈ കാര്യം പറയുന്നത്. ഒപ്പം കൊവിഡ് പോരാട്ടത്തില്‍ അമേരിക്ക ഉള്‍പ്പെടെയുള്ള വികസിത രാജ്യങ്ങളേക്കാള്‍ കാര്യക്ഷമമായി പ്രവര്‍ത്തിച്ച കേരള മാതൃകയെക്കുറിച്ചും അദ്ദേഹം പറയുന്നു.
കുറിപ്പിന്റെ പൂർണരൂപം……………………….
ഞാൻ ഇപ്പോൾ അമേരിക്കയിലാണ്. നാട്ടിൽ എയർപോർട്ടുകൾ എല്ലാം അടച്ചതു കൊണ്ട് തിരിച്ചു പോരാനാകാതെ ഞാനിവിടെ കഴിയുകയാണ്. അമേരിക്ക അടക്കം ലോകത്തിലെ വൻ സാമ്പത്തിക ശക്തികളെല്ലാം കൊറോണ വൈറസിന് മുന്നിൽ പകച്ച് നിൽക്കുമ്പോൾ, ഈ മഹാ വിപത്തിനെതിരെ ധീരമായ ചെറുത്തുനില്‍പ്പ് നടത്തുന്ന നമ്മുടെ കൊച്ചു കേരളത്തിലെ സർക്കാരും ജില്ലാ ഭരണകൂടങ്ങളും ഡോക്ടര്‍മാരും നഴ്‍സുമാരും ആരോഗ്യ പ്രവർത്തകരും പോലീസും ഒറ്റ കെട്ടായി നില്‍ക്കുന്ന ജനങ്ങളും ലോകത്തിനു തന്നെ മാതൃകയാവുകയാണ് ഇന്ന്. നിപ്പയെ തുരത്തിയ, വെള്ളപ്പൊക്കത്തെ തോല്പിച്ച, നമ്മൾ ഈ മഹാമാരിയും മറികടക്കും തീർച്ച.
Post Your Comments