കൊറോണ വൈറസ് ലോകം മുഴുവന്‍ പരിഭ്രാന്തി സൃഷ്ടിക്കുകയാണ്. ഈ സാഹചര്യത്തില്‍ സ്വന്തം ആരോഗ്യവും കുടുംബത്തെയുമെല്ലാം മാറ്റി നിര്‍ത്തി പ്രവര്‍ത്തിക്കുന്ന ആരോഗ്യപ്രവര്‍ത്തകരെ അഭിനന്ദിച്ചു മലയാളത്തിന്റെ പ്രിയ താരം മോഹന്‍ലാല്‍.
ആരോഗ്യരംഗത്ത് പ്രവര്‍ത്തിക്കുന്നവരെ വിളിച്ച്‌ അഭിനന്ദിക്കാന്‍ യൂത്ത് കോണ്‍ഗ്രസിനൊപ്പം ചേരുകയായിരുന്നു നടന്‍ മോഹന്‍ലാല്‍. ”വളരെ മഹത്തായ പ്രവര്‍ത്തിയാണ് സിന്ധു ഉള്‍പ്പെടുന്ന ആരോഗ്യരംഗത്ത് പ്രവര്‍ത്തിക്കുന്ന ഓരോരുത്തരും ചെയ്യുന്നത്. അതിന് ഒരുപാട് നന്ദിയും കടപ്പാടുമുണ്ട്. കേരളത്തില്‍ അല്ലെങ്കിലും ഇവിടുത്തെ കാര്യങ്ങളൊക്കെ അന്വേഷിക്കാറുണ്ട്. എല്ലാവിധ ആശംസകളും നിങ്ങള്‍ക്കും കുടുംബത്തിനും വേണ്ടി ഞങ്ങളുടെ പ്രാര്‍ഥനകള്‍ ഒപ്പമുണ്ട്. ഈ സമയത്ത് സ്വന്തം ആരോഗ്യവും കുടുംബത്തെയുമെല്ലാം മാറ്റി നിര്‍ത്തി ഇങ്ങനെ പ്രവര്‍ത്തിക്കുക എന്നത് വലിയ കാര്യമാണ്’ മോഹന്‍ലാല്‍ പറഞ്ഞു.
കൊല്ലം ചവറയില്‍ റെയില്‍വേയില്‍ പ്രവര്‍ത്തിക്കുന്നവരുടെ നിരീക്ഷണചുമതലയാണ് സിന്ധുവിന്. യൂത്ത് കോണ്‍ഗ്രസിന്റെ ‘യൂത്ത് കെയര്‍’ എന്ന പരിപാടിയുടെ ഭാഗമാകുകയായിരുന്നു മോഹന്‍ലാല്‍.
Post Your Comments