ആരോരുമില്ലാത്ത വയോധികർക്ക് വേണ്ട ഭക്ഷണ സാധനങ്ങൾ മേടിക്കാൻ തനിക്കൊപ്പം നിന്ന കേരള പോലീസിന് നന്ദി പറഞ്ഞ് നടൻ ബാല. ഒരിക്കലും ഇത്രയും പേർ വന്ന് സഹായിക്കുമെന്ന് വിചാരിച്ചില്ല. അത്രത്തോളം നന്മയാണ് അവർ ചെയ്തതെന്നും ബാല പറഞ്ഞു. ഫേസ്ബുക്കിൽ പങ്കുവെച്ച വീഡിയോയിലൂടെയാണ് ബാല ഈ കാര്യം പറയുന്നത്.
ബാലയുടെ വാക്കുകൾ ഇങ്ങനെ……………..
‘കേരള പൊലീസിനോട് നന്ദി പറയുന്നു. ലോക്ഡൗൺ കാലത്തെ നിയമങ്ങൾ നമുക്കെല്ലാം അറിയാം. എന്നാൽ പാവപ്പെട്ടവര്‍ എന്തു ചെയ്യും. മാമംഗലം ആശ്രമത്തില്‍ നിന്നും ഒരു ഫോൺകോൾ എനിക്ക് വന്നിരുന്നു. അവരുടെ കയ്യിൽ ഒന്നുമില്ല. എന്തുചെയ്യണമെന്നും അറിയില്ല. കേട്ടപ്പോൾ ഒരുപാട് സങ്കടമായി.’
‘ഞാൻ ഉടൻ തന്നെ സിഐ വിജയ് ശങ്കറിനെ വിളിച്ചു. അവരെ എങ്ങനെ സഹായിക്കാൻ പറ്റുമെന്ന് അദ്ദേഹത്തോട് ചോദിച്ചു. നോർത്ത് പൊലീസ് സ്റ്റേഷനിലെ മുഴുവൻ പൊലീസും എനിക്കൊപ്പം സഹായത്തിനായി എത്തി. ഒരിക്കലും ഇത്രയും പേർ വന്ന് സഹായിക്കുമെന്ന് വിചാരിച്ചില്ല. അത്രത്തോളം നന്മയാണ് അവർ ചെയ്തത്. എല്ലാവർക്കും നന്ദി.’-ബാല പറഞ്ഞു.
Post Your Comments