പ്രമുഖ ബോളിവുഡ് നടി നിമ്മി അന്തരിച്ചു. എണ്‍പത്തിയെട്ട് വയസ്സായിരുന്നു. ശ്വാസതടസ്സം അനുഭവപ്പെട്ടതിനെത്തുടര്‍ന്ന് ജുഹുവിലെ സബര്‍ബന്‍ ആശുപത്രിയില്‍ പ്രവേശിപ്പിക്കുകയായിരുന്നു. ഇന്നലെ വൈകിട്ടായിരുന്നു അന്ത്യം.
ശ്വാസകോശ സംബന്ധമായ അസുഖങ്ങളുമായി ഏറെ നാള്‍ ചികിത്സയിലായിരുന്നു താരം. ഇന്ന് ഉച്ചയ്ക്ക് ശേഷം മുംബൈയിലെ റേ റോഡിലുള്ള സ്മശാനത്തില്‍ അന്ത്യകര്‍മ്മങ്ങള്‍ നടക്കും.
1949 ല്‍ പുറത്തിറങ്ങിയ ബര്‍സാത് എന്ന ചിത്രത്തിലൂടെ വെള്ളിത്തിരയില്‍ അരങ്ങേറ്റം കുറിച്ച നിമ്മിയുടെ യഥാര്‍ത്ഥ പേര് നവാബ് ബാനു എന്നാണു. നടന്‍ രാജ് കപൂറാണ് നടിക്ക് നിമ്മി എന്ന് പേരിട്ടത്. സാസ, ആന്‍, മേരേ മെഹ്ബൂബ്, പൂജ കെ ഫൂല്‍, ആകാശ്ദീപ്, ബസന്ത് ബഹര്‍ എന്നിങ്ങനെ നിരവധി ശ്രദ്ധേയ ചിത്രങ്ങളില്‍ അഭിനയിച്ചു. എഴുത്തുകാരന്‍ അലി റാസയുമൊത്തുള്ള വിവാഹശേഷമാണ് നിമ്മി അഭിനയം നിര്‍ത്തിയത്. 2007ല്‍ അലി റാസ അന്തരിച്ചു. 1986 ല്‍ പുറത്തിറങ്ങിയ ലൗ ആന്റ് ഗോഡ് എന്ന ചിത്രത്തിലാണ് അവസാനം അഭിനയിച്ചത്.
Post Your Comments