കൊറോണ വൈറസ് പടരുന്ന സാഹചര്യത്തിൽ രാജ്യം മുഴുവൻ ലോക്ഡൗൺ പ്രഖ്യാപിച്ചിരിക്കുകയാണ്. ഇതോടെ ദിവസവേതനക്കാരുടെ പ്രശ്നം ചൂണ്ടിക്കാട്ടിയെത്തിയ യുവാവിന് മറുപടി നൽകിയിരിക്കുകയാണ് നടൻ ടൊവീനോ തോമസ്. 21 ദിവസത്തെ അടച്ചിടലിൽ എല്ലാവരും വീട്ടിൽ സുരക്ഷിതരായി ഇരിക്കാനും ഒന്നിച്ച് പോരാടാനും പറഞ്ഞ് ടൊവീനോ സമൂഹമാധ്യമത്തിൽ കുറിച്ചിരുന്നു. പോസ്റ്റിനു താഴെ നിരവധി ആളുകളാണ് പിന്തുണയുമായി രംഗത്തെത്തിയത്.
അപകടം പറ്റി കയ്യിലും കാലിലും പ്ലാസ്റ്റർ ഇട്ടു വീട്ടിൽ കിടക്കുന്ന പോലെ കരുതിയാൽ മതിയെന്നും, അതേസമയം തന്നെ ദിവസക്കൂലിക്ക് പോകുന്നവരുടെ കുടുംബം പട്ടിണിയാവും എന്നുമായിരുന്നു ഒരു പ്രേക്ഷകന്റെ കമന്റ്. ഈ അഭിപ്രായത്തിനാണ് ടൊവിനോ മറുപടി നൽകിയിരിക്കുന്നത്
‘അങ്ങനെയുള്ളവർ പട്ടിണിയാവാതെ നോക്കാൻ ഇവിടെ നമ്മളൊക്കെ ഇല്ലേ? സർക്കാർ ഇല്ലേ? എല്ലാത്തിനും വഴിയുണ്ടാവും. എന്നെക്കൊണ്ട് കഴിയുന്ന പോലൊക്കെ ഞാൻ ചെയ്യും. എല്ലാരും അങ്ങനെ തീരുമാനിച്ചാൽ പ്രശ്നം തീർന്നില്ലേ?’.– ടൊവിനോ പറഞ്ഞു.
Post Your Comments