കൊറോണ വൈറസ് ലോകം മുഴുവന്‍ പടരുന്ന സാഹചര്യത്തില്‍ ആരാധകരോട് തന്റെ ജന്മദിനം ആഘോഷിക്കരുതെന്ന നിര്‍ദ്ദേശം നല്‍കി നടൻ രാം ചരണ്‍. കേക്ക് കട്ടിംഗ് പോലുള്ള ആഘോഷങ്ങള്‍ ഒഴിവാക്കണം കൂട്ടം കൂടി നില്‍ക്കരുതെന്നുമുള്ള നിര്‍ദ്ദേശങ്ങള്‍ താരം സോഷ്യല്‍ മീഡിയയില്‍ പങ്കുവച്ചു.
”നമ്മള്‍ അസാധാരണമായ ഒരു അവസ്ഥയിലാണ് ഇപ്പോഴുള്ളത്. അതിനാല്‍ കൂട്ടംകൂടുന്നത് ഒഴിവാക്കണം. ഈ വര്‍ഷം എന്റെ ജന്മദിനം ആഘോഷിക്കുന്നത് ഒഴിവാക്കുക. നിങ്ങളുടെ സാമൂഹിക ഉത്തരവാദിത്വം നിറവേറ്റുകയാണെങ്കില്‍ അതായിരിക്കും എനിക്ക് ലഭിക്കുന്ന ഏറ്റവും വലിയ ജന്മദിന സമ്മാനം” എന്നും രാം ചരണ്‍ പങ്കുവച്ച സ്റ്റേറ്റ്‌മെന്റില്‍ പറയുന്നു.
ഒപ്പം താരവും ജൂനിയര്‍ എന്‍ടിആറും ചേര്‍ന്ന് ജാഗ്രത നിര്‍ദേശങ്ങള്‍ നല്‍കുന്ന ഒരു വീഡിയോയും താരം ഷെയര്‍ ചെയ്തിട്ടുണ്ട്.
Post Your Comments