ലോകം മുഴുവന്‍ ഭീതി പരത്തി കൊവിഡ് 19 വൈറസ് വ്യാപിച്ചുകൊണ്ടിരിക്കുകയാണ്. ഇപ്പോഴിതാ ഗെയിം ഓഫ് ത്രോണ്‍സ് സീരീസിലെ നടനായ ക്രിസ്റ്റഫര്‍ ഹിവ്ജുവിനും പ്രശസ്ത ഹോളിവുഡ് നടനു മായ ഇദ്രിസ് എല്‍ബയ്ക്കും വൈറസ് ബാധ സ്ഥിരീകരിച്ചിരിക്കുകയാണ്. ഇരുവരും സോഷ്യല്‍ മീഡിയയിലൂടെയാണ് ഈ വിവരം പങ്കുവെച്ചത്.
കഴിഞ്ഞ ദിവസം തനിക്ക് കൊവിഡ് 19 സ്ഥിരീകരിച്ചുവെന്നും ഇപ്പോൾ സ്വയം ഐസൊലേഷനിൽ കഴിയുകയാണെന്നുമാണ് ക്രിസ്റ്റഫര്‍ ഹിവ്ജു ഇന്‍സ്റ്റഗ്രാമില്‍ പോസ്റ്റ് ചെയതിരിക്കുന്നത്.
‘ താൻ കുടുംബത്തോടൊപ്പം നോര്‍വേയിലെ വീട്ടില്‍ ക്വാറന്‍റൈനില്‍ കഴിയുകയാണ്. തങ്ങളുടെ ആരോഗ്യസ്ഥിതി ഇപ്പോള്‍ തൃപ്തികരമാണ്. ജലദോഷം പോലുള്ള ചെറിയ രോഗലക്ഷണം മാത്രമാണ് ഇപ്പോള്‍ തനിക്കുള്ളത്, വേറെ ആരോഗ്യ പ്രശ്നങ്ങളില്ല, കൂടുതൽ രോഗലക്ഷണങ്ങള്‍ ഉള്ളവർ തീര്‍ച്ചയായും ശ്രദ്ധേക്കേണ്ടതുണ്ട്, ഇടയ്ക്കിടെ കൈകൾ ശുചിയാക്കുക, മറ്റുള്ളവരിൽ നിന്ന് ഒന്നരമീറ്ററോളം അകലം പാലിക്കുക, സ്വമേധയാ ക്വാറന്‍റൈനിൽ കഴിയുക, ഈ കൊറോണ വൈറസ് ബാധ നിങ്ങളിൽ നിന്ന് മറ്റൊരാളിലേക്ക് പകരാതിരിക്കാൻ സൂക്ഷിക്കുക, ഈ വൈറസിനെ ചെറുക്കാൻ നിങ്ങളാലാവുന്നത് ചെയ്യുക
താരം കുറിച്ചു.
This morning I tested positive for Covid 19. I feel ok, I have no symptoms so far but have been isolated since I found out about my possible exposure to the virus. Stay home people and be pragmatic. I will keep you updated on how I’m doing ???? No panic. pic.twitter.com/Lg7HVMZglZ
— Idris Elba (@idriselba) March 16, 2020
ഇതിന് പിന്നാലെയാണ് നടന്‍ ഇദ്രിസ് എല്‍ബയും തനിക്ക് കൊവിഡ്-19 സ്ഥിരീകരിച്ചതായി അറിയിച്ചത്. ഇന്ന് അതിരാവിലെ തനിക്ക് കൊറോണ ടെസ്റ്റ് പോസിറ്റീവാണെന്ന് സ്ഥിരീകരിച്ചു. ആരോഗ്യസ്ഥിതി മോശമായിട്ടില്ല, മറ്റ് രോഗലക്ഷണങ്ങളൊന്നും ഇതുവരെ കാണിച്ചിട്ടില്ല, രോഗം മറ്റുള്ളവ‍ർക്ക് പകരാതിരിക്കാനുള്ള മുൻകരുതലിന്‍റെ ഭാഗമായി വീട്ടിൽ ക്വാറന്‍റൈനിൽ കഴിയുകയാണ്. രോഗമുള്ളവ‍ർ വീട്ടിൽ തന്നെ കഴിയൂ, എന്റെ കൂടുതൽ വിവരങ്ങൾ അറിയിക്കുന്നതായിരിക്കും താരം ഒരു വീഡിയോ ട്വീറ്റ് ചെയ്തുകൊണ്ട് അറിയിച്ചിരിക്കുകയാണ്.
ഇവരെ കൂടാതെ നേരത്തെ നടന്‍ ടോം ഹാങ്ക്‌സിനും ജെയിംസ് ബോണ്ട് ചിത്രത്തിലെ നായിക ഒള്‍ കുര്യലെന്‍കൊ എന്ന നടിക്കും കൊവിഡ് സ്ഥിരീകരിച്ചിരുന്നു.
Post Your Comments