‘കോളിളക്കം’ സിനിമയ്ക്ക് മുന്‍പേ ഐവി ശശി സംവിധാനം ചെയ്ത സൂപ്പര്‍ ഹിറ്റ് ചിത്രം ‘അങ്ങാടി’യിലെ ജയന്റെ സാഹസികതയെക്കുറിച്ച് തുറന്നു പറയുകയാണ് ജയന്റെ സുഹൃത്തും പ്രമുഖ നടനുമായ രാഘവന്‍. അങ്ങാടി മുഴുവന്‍ കത്തി നശിക്കുന്ന സീനില്‍ അന്ന് പലര്‍ക്കും പരിക്കേറ്റിരുന്നുവെന്നും ജയന്റെ സാഹസിക നിമിഷങ്ങള്‍ ഓര്‍ത്തെടുത്തു കൊണ്ട് രാഘവന്‍ പറയുന്നു.
ജയന്റെ ഓര്‍മകളെക്കുറിച്ച് രാഘവന്‍ ഒരു പ്രമുഖ ടെലിവിഷന്‍ ചാനലിന് നല്‍കിയ അഭിമുഖത്തില്‍ നിന്ന്
‘ജയന്റെ ഹെലികോപ്റ്റര്‍ അപകടമരണം സംഭവിക്കുന്നത് ചെന്നൈയിലെ ‘റെഡ് ഹില്‍സ്’ എയര്‍പോര്‍ട്ടില്‍ ‘കോളിളക്കം’ എന്ന സിനിമ ചിത്രീകരിക്കുമ്പോഴായിരുന്നു. സംവിധായകന് പൂര്‍ണ്ണ തൃപ്തി വന്ന ഷോട്ട് തനിക്ക് തൃപ്തിയായില്ല എന്ന് പറഞ്ഞു ജയന്‍ വീണ്ടും സാഹസിക രംഗത്തിനു മുതിര്‍ന്നതാണ് അപകടമുണ്ടാകാന്‍ ഇടയാക്കിയത്. ജയന്റെ ഹെലികോപ്റ്റര്‍ അപകടമരണവുമായി ബന്ധപ്പെട്ടു പിന്നീട് പല കഥകളും പ്രചരിച്ചിരുന്നു. ജയനുമായുള്ള നിമിഷങ്ങളില്‍ ഏറ്റവും മുന്നില്‍ നില്‍ക്കുന്ന സിനിമ ഐവി ശശിയുടെ ‘അങ്ങാടി’യാണ്. ‘അങ്ങാടി’ എന്ന ചിത്രത്തിലും സാഹസികമായ ഒരു രംഗമുണ്ടായിരുന്നു. ഒരു അങ്ങാടി മുഴുവന്‍ കത്തി നശിക്കുന്ന സീനില്‍ അന്ന് പലര്‍ക്കും പരിക്കേറ്റിരുന്നു’. രാഘവന്‍ പറയുന്നു.
Post Your Comments