ലോഹിതദാസ് ഒരുക്കിയ ‘നിവേദ്യം’ എന്ന സിനിമയിലൂടെ മലയാളത്തിലേയ്ക്ക് എത്തിയ താരമാണ് ഭാമ. താരത്തിന്റെ വിവാഹാഘോഷങ്ങള്‍ സോഷ്യല്‍ മീഡിയയിലും വലിയ ചര്‍ച്ചയായി മാറിയിരുന്നു. ആഡംബര കല്യാണത്തില്‍ നിന്നും മാറി ആഘോഷമായി നടത്തിയ വിവാഹ ചടങ്ങില്‍ ലളിതമായാണ് താരം ഒരുങ്ങിയത്. വാരിവലിച്ച്‌ ആഭരണങ്ങള്‍ അണിയുന്നില്ല എന്ന് ആദ്യമേ തീരുമാനമെടുത്തിരുന്നുവെന്നും തന്റെ വരനായ അരുണിനും അതായിരുന്നു താല്‍പര്യമെന്നും വനിതയ്ക്ക് നല്‍കിയ അഭിമുഖത്തില്‍ വിവാഹ വിശേഷങ്ങള്‍ പങ്കുവെച്ചു കൊണ്ട് ഭാമ മനസ്സ് തുറക്കുന്നു.
‘പരമ്ബരാഗത രീതിയിലുള്ള കുറച്ചു ആഭരണങ്ങള്‍ മാത്രമേ വിവാഹത്തിന് അണിഞ്ഞിരുന്നുള്ളൂ. റിസപ്ഷന് പ്രഷ്യസ് സ്റ്റോണ്‍സ് കൊണ്ടുള്ള ഒരു ലെയര്‍ മാലയാണ് അണിഞ്ഞത്. വാരിവലിച്ച്‌ ആഭരണങ്ങള്‍ അണിയുന്നതില്‍ അരുണിനും താല്‍പര്യമുണ്ടായിരുന്നില്ല. എനിക്ക് പൊതുവേ ആഭരണങ്ങളോട് താത്പര്യമില്ല. അരുണും അതേ ചിന്താഗതിക്കാരനായപ്പോള്‍ കാര്യങ്ങള്‍ എളുപ്പമായി. ബോളിവുഡിന്റെ പ്രിയപ്പെട്ട ഫാബ്രിക് ലക്നൌ ചിക്കന്‍ വര്‍ക്ക് ആണ് റിസപ്ഷന് സാരിയ്ക്കായി തെരഞ്ഞെടുത്തത്. കുറച്ചൂടി കളര്‍ഫുള്‍ ആയിക്കൂടെ എന്ന് പലരും ചോദിച്ചപ്പോള്‍ വെണ്മയുടെ നൈര്‍മല്യവും പ്രൌഡിയും മതിയെന്ന് ഞാനും അരുണും ഉറപ്പിച്ചു. വെള്ള അണിയുമ്ബോള്‍ കിട്ടുന്ന ആത്മവിശ്വാസം മറ്റൊന്നിനും പകരം വയ്ക്കനാകില്ല’. ഭാമ പങ്കുവച്ചു
Post Your Comments