തിയറ്ററുകളിൽ വൻ വിജയമായി തുടരുന്ന ചിത്രമാണ് അയ്യപ്പനും കോശിയും. സിനിമ പുറത്തിറങ്ങും മുൻപ് തന്നെ അതിലെ ടൈറ്റില്‍ ഗാനം ഏറെ ശ്രദ്ധേ നേടിയിരുന്നു. നഞ്ചിയമ്മ എന്ന ആദിവാസി ഗായികയുടെ ഗാനത്തിനൊപ്പം തന്നെ പാട്ടിന്‍റെ അവസാനം അവരുടെ നിഷ്കളങ്കമായ സംഭാഷണവും ആരാധകര്‍ ഏറ്റെടുത്തിരുന്നു. അമ്മയ്‌ക്ക്‌ പൃഥ്വിരാജിനെ അറിയാമോ..?, ഇല്ല. ബിജു മേനോനെ അറിയാമോ?, ഇല്ല. ഏത്‌ സിനിമക്ക്‌ വേണ്ടിയാണ്‌ ഈ പാട്ട്‌ പാടിയത്‌ എന്നറിയുമോ?, ഇല്ല. എന്റെ ആണോ? എന്നതായിരുന്നു ആ സംഭാഷണം.
View this post on Instagram
എനിക്ക് പ്രിത്വിരാജ് ആരാണെന്നും അറിയാം ?; ബിജു മേനോൻ ആരാണെന്നും അറിയാം ?……… നീ ഏതാടാ ??
ഇപ്പോഴിതാ ഹിറ്റായി മാറിയ നഞ്ചിയമ്മയുടെ ഈ ഡയലോഗ് മറ്റൊരു രീതിയില്‍ അവതരിപ്പിച്ച് സോഷ്യല്‍ മീഡിയയില്‍ ചിരി നിറയ്ക്കുകയാണ് രമേഷ് പിഷാരടി. പ്രായമായൊരു സ്ത്രീയോടൊപ്പം സംസാരിച്ചിരിക്കുന്ന പിഷാരടിയുടെ ചിത്രം പങ്കുവെച്ച് കൊണ്ട് കൊടുത്ത അടിക്കുറിപ്പാണ് രസകരം. ‘എനിക്ക് പൃഥ്വിരാജ് ആരാണെന്നും അറിയാം; ബിജു മേനോൻ ആരാണെന്നും അറിയാം. നീ ഏതാടാ’ …എന്നാണ് പിഷാരടി ചിത്രത്തിന് നൽകിയ അടിക്കുറിപ്പ്.
Post Your Comments