ജോയ്‌സ് എന്‍റര്‍ടെയ്ൻമെന്‍റിന്‍റെ ബാനറിൽ ഷിനോയ് ജോയ് നിർമ്മിച്ച് നവാഗതനായ സുജയ് മോഹൻരാജ് സംവിധാനം ചെയ്യുന്ന “സൂപ്പർഹീറോ” എന്ന സിനിമയുടെ ഒഫീഷ്യൽ ടീസർ പുറത്തിറങ്ങി. പ്രണയാശംസകളുമായി എത്തിയ ടീസർ മലയാളത്തിലെ യുവനടന്മാരായ ആന്‍റണി പെപ്പെയും അർജുൻ അശോകനും ചേർന്നാണ് തങ്ങളുടെ ഫേസ്ബുക്ക് ഒഫീഷ്യൽ പേജിലൂടെ പുറത്തിറക്കിയത്.
ടിക് ടോക് താരങ്ങളായ ബേബി തെന്നൽ,മാസ്റ്റർ ആരിഷ്,മാസ്റ്റർ ഡാവിഞ്ചി എന്നീ കുട്ടികൾ കേന്ദ്രകഥാപാത്രങ്ങളായെത്തുന്ന ചിത്രത്തിന്‍റെ ഷൂട്ടിംഗ് തൃശ്ശൂരിൽ പുരോഗമിച്ചുകൊണ്ടിരിക്കുകയാണ്. ചിത്രത്തിൽ കുട്ടികളെ കൂടാതെ മലയാളത്തിലെ മുൻനിരതാരങ്ങളും അണിനിരക്കുന്നുണ്ട്.
ശ്രീറാം നമ്പ്യാർ ഛായാഗ്രഹണവും സെറിൻ ഫ്രാൻസിസ് സംഗീതവും നിർവഹിച്ചിരിക്കുന്ന ചിത്രം വൈകാതെ തന്നെ തീയേറ്ററുകളിൽ എത്തും. എഡിറ്റിങ് ലിജോ പോൾ, ഗാനരചന വിനായക് ശശികുമാര്‍.
Post Your Comments