ബിഗ് ബോസ് സീസണ്‍ വണ്ണിലെ പ്രേക്ഷകരുടെ പ്രിയ താരമായിരുന്നു ഷിയാസ് കരീം. മോഡലിംഗിലും പരസ്യങ്ങളിലുമൊക്കെയായി സജീവമായിരുന്ന ഷിയാസ് വൈല്‍ഡ് കാര്‍ഡ് എന്‍ട്രിയിലൂടെയായിരുന്നു ബിഗ് ബോസിലേക്ക് എത്തിയത്. പേളി മാണി, ഷിയാസ്, ശ്രിനിഷ് അരവിന്ദ് ഈ ഗ്യാങ്ങിന് ശക്തമായ പിന്തുണയായിരുന്നു പ്രേക്ഷകര്‍ നല്‍കിയത്. എസ് പി എസ് എന്ന പേരിലായിയിരുന്നു ഇവരുടെ ഗ്യാങ്ങ്. ഷിയാസ് തന്‍റെ സഹോദരനാണെന്നാണ് പേളി പറഞ്ഞിരുന്നത്. കുഞ്ഞളിയനായാണ് താന്‍ ഷിയാസിനെ കാണുന്നതെന്നായിരുന്നു ശ്രിനിഷ് പറഞ്ഞത്.
ഇപ്പോഴിതാ ബിഗ് ബോസ് രണ്ടാം സീസണിലെ മത്സരാർത്ഥികളായ രജിത്ത് കുമാറിനും പവന്‍ ജിനോ തോമസിനുമാണ് തന്‍റെ പിന്തുണയെന്നും ഷിയാസ് പറയുന്നു. ബിഗ് ബോസിലെ ഇപ്പോഴത്തെ സംഭവങ്ങളെക്കുറിച്ചുള്ള അഭിപ്രായവും താരം പങ്കുവെച്ചിരുന്നു. കഴിഞ്ഞ തവണത്തെ ബിഗ് ബോസ് പോലെ അല്ല ഈ തവണ 14 പേരും ഒരാളെ ടാർഗറ്റ് ചെയ്തു കളിക്കുന്നത് കാണുമ്പോൾ തന്നെ ഒരുപാട് വിഷമം വരുന്നു . പവന്‍ നന്നായി കളിക്കുന്നുണ്ട്. രജിത്ത് ഏട്ടന് എതിരില്ലാത്ത സപ്പോർട്ട്, പുള്ളി തന്നെ വിന്നർ ആകും എന്നു തോന്നുന്നു, അങ്ങനെ ആകട്ടെയെന്നായിരുന്നു ഷിയാസ് കുറിച്ചത്.
Post Your Comments