സോഷ്യൽ മീഡിയയിൽ തരംഗം ആണ് തെന്നൽ അഭിലാഷ് എന്ന അ‍ഞ്ചു വയസുകാരി. ടിക് ടോക് വീഡിയോയിലൂടെയാണ് ഈ കൊച്ചുസുന്ദരി മലയാളികളുടെ മനസ്സിൽ ഇടം നേടുന്നത്. സയനോരയുടെ ബേങ്കി ബേങ്കി ബേങ്കി ബൂം ബൂം എന്ന വീഡിയോ ഗാനം ടിക് ടോക് വേദിയിൽ അവതരിപ്പിച്ചതോടെയാണ് ഈ കാന്താരിപ്പെണ്ണ് പ്രേക്ഷകരുടെ പ്രിയങ്കരി ആയത്. ഇപ്പോൾ പുതിയ ഒരു വീഡിയോയുമായി എത്തിയിരിക്കുകയാണ് ഈ കൊച്ചു മിടുക്കി.
ടിക് ടോക്കിനു മുൻപ് ആദ്യം മ്യൂസിക്കലിയില്‍ ആണ് തന്റെ കലാവിരുത് തെന്നൽ പുറത്തെടുത്തത്. പിന്നെ ടിക്‍ടോക് വന്നപ്പോള്‍ അതിലും സ്റ്റാർ ആയി.തെന്നലിന്റെ വീഡിയോ ഇടാന്‍ മാത്രമായിട്ട് ഒരു ഇന്‍സ്റ്റഗ്രാം പേജ് തന്നെയുണ്ട്. തെന്നലിന് കൂട്ടായി അമ്മ ആതിരയുണ്ടെങ്കിലും കൂടുതൽ സപ്പോർട്ട് ആതിരയുടെ അനിയത്തി അനശ്വരയാണ്. ഒരു പരസ്യ ചിത്രത്തിൽ അഭിനയിച്ച ഈ കൊച്ചു മിടുക്കിക്ക് ഇപ്പോൾ രണ്ട് സിനിമകളിലേക്കും ക്ഷണം വന്നിട്ടുണ്ട് .
കണ്ണെഴുതി പൊട്ടും തൊട്ട് സിനിമയിലെ കൈത പൂവിൻ കന്നികുറുമ്പിൽ എന്ന ഗാനമാണ് ടിക് ടോക് വേർഷനായി തെന്നൽ ഇപ്പോൾ അവതരിപ്പിച്ചിരിക്കുന്നത്. വീഡിയോ ഇതിനോടകം തന്നെ ഹിറ്റാണ്.
Post Your Comments