പഞ്ചാബി കുടുംബത്തിലാണ് ജനനമെങ്കിലും തമിഴ് തെലുങ്ക് സിനിമകളിലൂടെ പ്രശസ്തയായ നടിയാണ് കാജൽ അഗർവാൾ. വിരലിലെണ്ണാവുന്ന ചില ഹിന്ദി ചിത്രങ്ങളിലും കാജൽ വേഷമിട്ടിട്ടുണ്ട്. മൊഴിമാറ്റ ചിത്രങ്ങളിലൂടെ മലയാളികൾക്കും പ്രയപ്പെട്ടവളാണ് താരം.
സിംഗപ്പൂരിലെ പ്രശസ്തമായ തുസാഡ്‌സ് മെഴുക് മ്യൂസിയത്തിൽ കുറച്ചുമണിക്കൂറുകൾക്ക് മുൻപാണ് ഈ തെന്നിന്ത്യൻ താര സുന്ദരിയുടെ മെഴുക് പ്രതിമ അനാച്ഛാദനം ചെയ്യപ്പെട്ടത്. മെഴുക് പ്രതിമ അനാച്ഛാദന വേളയിൽ തന്റെ മറ്റൊരു രൂപമായ പ്രതിമയെ മേക്കപ്പിടുന്ന മേക്കപ്പ് മാനെ തള്ളിമാറ്റി പകരം കാജൽ മുന്നിൽ കയറി നിൽക്കുന്ന ഒരു വീഡിയോ താരം ഇൻസ്റ്റാഗ്രാം പേജിൽ പങ്കുവെച്ചിരുന്നു. വീഡിയോ ഇതിനോടകം വൈറലായി കഴിഞ്ഞു.
മുൻപും ഇന്ത്യൻ നടിമാരുടെ പ്രതിമകൾ തുസാഡ്‌സ് മെഴുക് മ്യൂസിയത്തിൽ ഉയർന്നിരുന്നെങ്കിലും ആദ്യമായാണ് പൂർണ്ണമായും തെന്നിന്ത്യൻ സിനിമകളിൽ സജീവമായ നടിയുടെ പ്രതിമ മ്യൂസിയത്തിൽ അനാച്ഛാദനം ചെയ്യപ്പെടുന്നത്. മാഡം തുസാഡ്‌സ് മ്യൂസിയത്തിലെ മറ്റ് ഇന്ത്യൻ താര സുന്ദരിമാരിൽ കാജലിന് തൊട്ടുമുൻപ് ഉയർന്ന് വന്നത് ശ്രീദേവിയുടെ പ്രതിമയായിരുന്നു.
Post Your Comments