ബിഗ് ബോസ് രണ്ടാം സീസണില്‍ നിന്ന് ദുര്‍ബലയായ മത്സരാര്‍ഥി തെസ്‌നി ഖാന്‍ പുറത്തു പോകുമ്പോള്‍ രണ്ട് മത്സരാര്‍ഥികളാണ് വീടിനുള്ളിലേയ്ക്ക് കടക്കുന്നത്. പ്രേക്ഷകരുടെ പ്രതീക്ഷ തെറ്റിക്കാതെ ആര്‍ ജെ സൂരജ് വൈല്‍ഡ് കാര്‍ഡ് എന്‍ട്രിയായി വീട്ടിനുള്ളിലേയ്ക്ക് പ്രവേശിക്കുമ്പോള്‍ മിസ്റ്റര്‍ ഇന്ത്യ റണ്ണറപ്പായ പവന് ജിനോ തോമസിന്റെ എന്‍ട്രി അധികമാരും പ്രതീക്ഷിച്ചിരുന്നില്ല. എന്നാല്‍ ഈ വരവില്‍ സുജോ മാത്യു അത്ര ഹാപ്പിയല്ല. പുതിയ മത്സരാര്‍ഥി തനിക്ക് ഭീഷണിയാകുമോ എന്നാണ് സുജോയുടെ ഭയം.
പുത്തന്‍ ഹിമാലയന്‍ ബൈക്കില്‍ വീട്ടിനുള്ളിലേയ്ക്ക് കുതിച്ചെത്തിയ പവന് ജിനോ തോമസിനെക്കുറിച്ചുള്ള ചര്‍ച്ചകളിലാണ് വീട്ടുകാരെല്ലാം. ജിനോ ഒരു മുന്‍കോപിയാണെന്നാണ് സ്വയം വിശേഷിപ്പിച്ചത്. ഇതേ അഭിപ്രായം എലീനയും മഞ്ജു പത്രോസും പങ്കുവെച്ചു. എന്നാല്‍ സുജോയുടെ ഭയം വേറെ ലെവലാണ്. സുജോയും പവനും ബോഡി ബില്‍ഡര്‍മാരും മോഡലുകളുമാണ്. ഇരുവര്‍ക്കും മുന്‍പേ തമ്മില്‍ അറിയുകയും ചെയ്യാം.
പവന്റെ വരവ് തനിക്ക് ഭീഷണിയാകുമെന്ന ഭയം സുജോ രഘുവിനോടാണ് പങ്കുവെയ്ക്കുന്നത്. ജിനോയുടെ വരവിന് കുറച്ചധികം ഹൈപ്പ് കൊടുത്തോയെന്ന സംശയവും സുജോയ്ക്കുണ്ട്. ഇരുവരും ബന്ധുക്കളാണെന്ന് വെളിപ്പെടുത്തുന്ന സുജോ പവനെ താന്‍ ചെറുപ്പത്തില്‍ എടുത്തു കൊണ്ടു നടന്ന കഥയും രഘുവിനോട് പങ്കുവെക്കുന്നുണ്ട്.
സുജോയെ കെട്ടിപ്പിടിച്ചു കൊണ്ടു തന്നെ വീട്ടിലേയ്ക്ക് രംഗപ്രവശേം ചെയ്ത പവന് തനിക്ക് സുജോയെ മുന്‍പരിചയമുണ്ടെന്ന് ആരോടും വെളിപ്പെടുത്തിയിട്ടില്ല. വൈല്‍ഡ് കാര്‍ഡ് എന്‍ട്രിയില്‍ ബിഗ് ബോസ് വീട്ടിലെത്തിയ പവന് സുജോ മത്സരരംഗത്തുള്ള കാര്യം അറിയാമെങ്കിലും ഇരുവരും തമ്മിലുള്ള ബന്ധത്തെപ്പറ്റി പവന് തന്റെ ആമുഖസംഭാഷണത്തിലടക്കം പരാമര്‍ശിച്ചിട്ടില്ലെന്നത് ദുരൂഹമാണ്.
എന്തായാലും പവന്റെ വരവ് സുജോയ്ക്ക് ഇഷ്ടപ്പെട്ടിട്ടില്ലെന്ന് ഉറപ്പായിക്കഴിഞ്ഞു. താനും മുന്‍പ് മോഡലിങില്‍ ഒരു അവസരത്തിനായി ഏറെ അലഞ്ഞിട്ടുണ്ടെന്നും ഇത്തരം കദനകഥകള്‍ ബിഗ് ബോസില്‍ ഒരു തന്ത്രമാക്കാമെന്നും പലരും തന്നോട് ഉപദേശിച്ചിരുന്നുവെന്ന് സുജോ പറഞ്ഞു. പക്ഷെ ഇത്തരം കദനകഥകള്‍ പറഞ്ഞു നേടുന്ന വോട്ട് വേണ്ടെന്ന നിലപാടിലാണ് സുജോ. എന്നാല്‍ ഹിന്ദി ബിഗ് ബോസ് കണ്ടു പരിചയമുള്ള പവന് തനിക്ക് യാതൊരു സ്ട്രാറ്റജിയുമില്ലെന്നും ഇവിടത്തെ സാഹചര്യം നോക്കി തന്റേതായ കളി പുറത്തെടുക്കുമെന്നുമാണ് പറയുന്നത്.
Post Your Comments