കഴിഞ്ഞ ദിവസം പിറന്നാൾ ആഘോഷിച്ച മലയാളികളുടെ ഇഷ്ട താരം മിയയുടെ ഒരു വീഡിയോയാണ് സോഷ്യൽ മീഡിയയിൽ ഇപ്പോൾ വൈറലാകുന്നത്. താരത്തിന് പിറന്നാൾ ആശംസകൾ നേർന്ന്കൊണ്ട് സഹോദരി ജിനി ഒരുക്കിയതാണ് ഈ വീഡിയോ. കുട്ടികാലം മുതൽക്കുള്ള മിയയുടെ ചിത്രങ്ങൾ ഉൾപ്പെടുത്തിയതാണ് വീഡിയോ.
”എന്റെ സഹോദരി ജിനിയുടെ സൈക്കോളജിക്കൽ നീക്കം.നന്ദി ജിനി” എന്ന അടികുറിപ്പോടെ മിയതന്നെയാണ് ഫേസ്ബുക്കിലൂടെ വീഡിയോ പങ്കുവെച്ചത്. കുടുംബവുമൊത്തുള്ള താരത്തിന്റെ ആഘോഷങ്ങളും സന്തോഷ നിമിഷങ്ങളും എല്ലാം ചിത്രങ്ങളിലൂടെ പറയുകയാണ് ഈ വീഡിയോ.
ജന്മദിനത്തിൽ ആശംസകൾ നേർന്ന എല്ലാവരോടുമുള്ള നന്ദിയും ഇതോടൊപ്പം താരം കുറിച്ചു. വീഡിയോക്ക് കമന്റായി നിരവധി പേരാണ് താരത്തിന് ആശംസകൾ നേരുന്നത്.
Post Your Comments