ന്യൂമാന്‍ കോളേജിലെ ബി.കോം രണ്ടാം സെമസ്റ്റര്‍ മലയാളം ഇന്റേര്‍ണല്‍ പരീക്ഷയ്ക്കുള്ള ചോദ്യപ്പേപ്പറില്‍ മതനിന്ദ ഉണ്ടെന്ന് ആരോപിച്ചു അധ്യാപകന്റെ കൈവെട്ടിയ വാര്‍ത്ത കേരളം ഞെട്ടലോടെയാണ് കണ്ടത്. അക്രമത്തിനു ഇരയായ പ്രൊഫ. ജോസഫിന്റെ ദുരിതങ്ങള്‍ക്ക് അറിയാതെയാണെങ്കിലും കാരണക്കാരനായതില്‍ പരസ്യമായി മാപ്പുപറഞ്ഞ് സംവിധായകനും എഴുത്തുകാരനുമായ പി ടി കുഞ്ഞുമുഹമ്മദ്. ടി ജെ ജോസഫിന്റെ ആത്മകഥയായ ‘അറ്റുപോയ ഓര്‍മകള്‍’ തൃശ്ശൂരില്‍ പ്രകാശനം ചെയ്ത് സംസാരിക്കുകയായിരുന്നു അദ്ദേഹം.
കുഞ്ഞുമുഹമ്മദിന്റെ ‘തിരക്കഥ: ഒരു വിശ്വാസിയുടെ കണ്ടെത്തലുകള്‍’ എന്ന ലേഖനത്തില്‍ നിന്നായിരുന്നു ടി.ജെ ജോസഫ് വിവാദമായ ചോദ്യം ഉണ്ടാക്കിയത്.
2010 ജൂലൈ നാലിനാണ് ഒരുസംഘം പ്രഫ. ജോസഫിന്റെ വലതു കൈപ്പത്തി വെട്ടിമാറ്റിയത്. പ്രവാചകന്‍ മുഹമ്മദ് നബിയെ അവഹേളിക്കുന്ന ചോദ്യം ഉള്‍പ്പെടുത്തി എന്നാരോപിച്ചായിരുന്നു അക്രമം. സംഭവത്തില്‍ എട്ടു എസ് ഡി പി ഐ പ്രവര്‍ത്തകര്‍ കുറ്റക്കാരാണെന്ന് പോലീസ് കണ്ടെത്തിയിരുന്നു.
Post Your Comments