തന്റെ പ്രിയ ‘ബോസിന്’ ചുംബനം നൽകി അജയ് വാസുദേവ്; ഇരട്ടി മധുരം പങ്കുവെച്ച് ഷൈലോക് ടീം

ആരാധകരുടെ നിറഞ്ഞ കൈയടി ഏറ്റുവാങ്ങി മമ്മൂട്ടി ചിത്രം ‘ഷൈലോക്’ മുന്നോട്ട് പോകുകയാണ്. ഷൈലോക്കിന്റെ വിജയവും സംവിധായകൻ അജയ് വാസുദേവിന്റെ ജന്മദിനവും കേക്ക് മുറിച്ചാഘോഷിക്കുകയാണ് അണിയറപ്രവർത്തകർ. ഇവർക്കൊപ്പം മെഗാസ്റ്റാർ മമ്മൂട്ടിയും ഉണ്ട്. താരത്തിന്റെ പുതിയ ചിത്രമായ ‘ദി പ്രീസ്റ്റ്‌’ ലൊക്കേഷനിൽ ആയിരുന്നു ആഘോഷം.
ആഘോഷങ്ങളുടെ ചിത്രങ്ങളും വീഡിയോകളും സോഷ്യൽ മീഡിയയിൽ നിറയുകയാണ്.

ആഘോഷത്തിനിടെ സംവിധായകൻ അജയ് മമ്മൂട്ടിയ്ക്ക് സ്നേഹ ചുംബനം നൽകിയ വീഡിയോ ഇപ്പോൾ സോഷ്യൽ മീഡിയയിൽ വൈറലാണ്. ചിത്രങ്ങളും ദൃശ്യങ്ങളും അജയ് തന്നെയാണ് ഫേസ്ബുക്കിൽ പങ്കുവെച്ചത്. സെറ്റിലുള്ളവരോടൊപ്പം സെൽഫിയും എടുത്തതിന് ശേഷമാണ് മമ്മൂട്ടി മടങ്ങിയത് .