.
മലയാള സിനിമാ ലോകത്തേക്ക് ചോക്ലേറ്റ് ഹീറോയായി കടന്ന് വന്ന് ആരാധകരുടെ ഹൃദയം കീഴടക്കിയ താരമാണ് കുഞ്ചാക്കോ ബോബന്‍. വര്‍ഷങ്ങള്‍ കഴിഞ്ഞിട്ടും താരത്തിന്റെ ആ വിശേഷണത്തിന് യാതൊരു മാറ്റവും ഇല്ല. സിനിമയില്‍ നിന്ന് ഒരു ചെറിയ ഇടവേള എടുത്ത് മാറി നിന്നപ്പോള്‍ പോലും പ്രേക്ഷകരുടെ ഇടയില്‍ കുഞ്ചാക്കോ ബോബനും അദ്ദേഹത്തിന്റെ എവര്‍ഗ്രീന്‍ ഹിറ്റ് ചിത്രങ്ങളും ചര്‍ച്ച വിഷയമായിരുന്നു. അത്രമേല്‍ താരത്തെ മലയാളി പ്രേക്ഷകര്‍ ഏറ്റെടുത്തിരുന്നു.ഒരു ഇടവേള ചലച്ചിത്രമേഖലകളില്‍ നിന്നും അകന്നു നിന്ന അദ്ദേഹത്തിന്റെ രണ്ടാം വരവിലും ശക്തമായ പിന്തുണയായിരുന്നു ലഭിച്ചത്.
ഫാസില്‍ ചിത്രം അനിയത്തി പ്രാവിലൂടെയാണ് താരം വെള്ളിത്തിരയില്‍ എത്തിയത്. സിനിമയില്‍ എത്തി 23 വര്‍ഷം പിന്നിടുമ്പോള്‍ ഈ കാലയളവില്‍ വ്യത്യസ്തമായ പല കഥപാത്രങ്ങള്‍ക്കും താരം ജീവന്‍ നല്‍കിയിട്ടുണ്ട്. താരത്തിന്റെ കരിയറില്‍ വന്‍ വിജയമായ ചിത്രമായിരുന്നു അനിയത്തി പ്രാവ്. പ്രേക്ഷകരുടെ ഇടയില്‍ സുധിയും മിനിയും ഇന്നും ജീവിക്കുന്നു കാലങ്ങള്‍ക്ക് ഇപ്പുറം താരത്തിന്റെ. കരിയറില്‍ മറ്റൊരു ടേണിങ് പോയിന്റ് ആകുകയാണ് മിഥുന്‍ മാനുവല്‍ ചിത്രമായ അഞ്ചാം പാതിരി സുധിയില്‍ നിന്ന് അന്‍വര്‍ ഹുസൈനിലേയ്ക്കുള്ള ആ യാത്രയെ കുറിച്ച് പങ്കുവെയ്ക്കുകയാണ് താരം.
അനിയത്തി പ്രാവിലെ സുധിയുടേയു അഞ്ചാം പാതിരയിലെ അന്‍വര്‍ ഹുസൈനിന്റേയും ചിത്രം പങ്കുവെച്ചു കൊണ്ടായിരുന്നു ഇരുവരും തമ്മിലുളള രഹസ്യ ബന്ധത്തെ കുറിച്ച് താരം പറഞ്ഞത്. കൂടാതെ ഒപ്പം നിന്നവര്‍ക്കും പ്രോത്സാഹിപ്പിച്ചവര്‍ക്കുമുള്ള നന്ദിയും താരം അറിയിച്ചിട്ടുണ്ട്.തങ്ങളുടെ സൂപ്പര്‍ താരത്തിന്റെ വിശേഷം ഏറ്റെടുത്തിരിക്കുകയാണ് ആരാധകര്‍.
Post Your Comments