അജിത് ആരാധകരോട് ക്ഷമ ചോദിച്ചുകൊണ്ട് നടൻ പ്രസന്നയുടെ ട്വീറ്റ്

തമിഴ് സിനിമയിലെ മുൻനിര നായകരിൽ ഒരാളാണ് അജിത്. ‘തല അജിത്’ എന്ന് ആരാധകർ വിശഷിപ്പിക്കുന്ന അജിത്തിന്റെ ആരാധകവൃത്തം വളരെ വലുതാണ്. ഇപ്പോൾ തല അജിത്തിന്റെ പുതിയ ചിത്രത്തിൽ നിന്നും തമിഴ് നടൻ പ്രസന്ന പിന്മാറിയതാണ് ടോളിവുഡിലെ സംസാരവിഷയം.

വിനോദ് സംവിധാനം ചെയ്യുന്ന ‘വലിമയ്’ എന്ന ചിത്രത്തിന്റെ പ്രവർത്തനങ്ങളിലാണ് ഇപ്പോൾ അജിത്.  ചിത്രത്തിൽ വില്ലനായി അഭിനയിക്കാൻ സംവിധായകൻ വിനോദ് നിരവധി അഭിനേതാക്കളെസമീപിച്ചിരുന്നു.. നടൻ പ്രസന്നയെ വില്ലൻ റോളിനായി സംവിധായകൻ നിർദേശിച്ചെങ്കിലും പ്രസന്ന അത് നിരസിച്ചു. ഇത് അജിത് ആരാധകരെയും തമിഴ് സിനിമാലോകത്തെയും ഒരുപോലെ ഞെട്ടിച്ചു.

ആരാധകർക്കിടയിൽ ഉണ്ടായ അതൃപ്തി സോഷ്യൽ മീഡിയയിൽ പ്രസന്നക്ക് എതിരെ ഉള്ള വിമർശനങ്ങളായി ഉയർന്നിരുന്നു. തുടർന്ന് ചിത്രത്തിൽ അഭിനയിക്കാൻ കഴിയാത്തതിന്റെ കാരണം ഇന്നലെ പ്രസന്ന തന്റെ ട്വിറ്റർ പേജിൽ പോസ്റ്റ് ചെയ്തിരുന്നു. ഭാവിയിൽ തല അജിത്തിനൊപ്പം അഭിനയിക്കാൻ ആഗ്രഹിക്കുന്നു എന്നും പ്രസന്ന കൂട്ടിച്ചേർത്തു. അതോടുകൂടി തലയുടെ ആരാധകരിൽ നിന്നുള്ള വിമർശനങ്ങൾക്കും ട്രോളുകൾക്കും ഒരു ശമനം ഉണ്ടായി.

Dear all pic.twitter.com/Lu8YweJzUC

— Prasanna (@Prasanna_actor) January 21, 2020

പ്രസന്ന ഇപ്പോൾ അരുൺ വിജയ്‌ക്കൊപ്പം മാഫിയ ചാപ്റ്റർ 1 എന്ന ചിത്രത്തിന്റെ t തിരക്കിലാണ്.  ഈ  ചിത്രം ഉടൻ റിലീസ് ചെയ്യുമെന്നും അണിയറപ്രവർത്തകർ പറയുന്നു.