തന്മാത്ര എന്ന ചിത്രത്തിലൂടെ മലയാള സിനിമാ പ്രേക്ഷകർക്ക് സുപരിചിതയായി മാറിയ താരമാണ് മീരാ വാസുദേവ്. ഇപ്പോഴിതാ അഭിനയ രംഗത്തേക്ക് മടങ്ങിയെത്തുകയാണ് താരം. സിനിമയിലൂടെയല്ല സീരിയലിലൂടെയാണ് മീര മടങ്ങിയെത്തുന്നത്.
ഏഷ്യാനെറ്റിലെ പരമ്പരയായ കുടുംബവിളക്കിലൂടെയാണ് മീരയുടെ മടങ്ങി വരവ്. സുമിത്ര എന്ന നായികാ കഥാപാത്രത്തെയാണ് മീര അവതരിപ്പിക്കുന്നത്. കുടുംബത്തിനു വേണ്ടി രാവന്തിയോളം കഷ്ടപ്പെടുകയും എന്നാല്‍ ആരാലും അര്‍ഹമായ അംഗീകാരം ലഭിക്കാതെ പോവുകയും ചെയ്യുന്ന കുടുംബിനിയായാണ് മീര എത്തുന്നത്.
ജനുവരി 27 മുതല്‍ സീരിയല്‍ സംപ്രേക്ഷണം ചെയ്തു തുടങ്ങും. തിങ്കള്‍ മുതല്‍ ശനി വരെ രാത്രി ഏഴരയ്ക്കാണ് സംപ്രേക്ഷണം ചെയ്യുക. മീരയുടെ ആദ്യ സീരിയലല്ല കുടുംബ വിളക്ക്. 2007 ല്‍ ജീവന്‍ ടിവിയില്‍ സംപ്രേക്ഷണം ചെയ്തിരുന്ന കനല്‍പൂവ് എന്ന സീരിയലിലെ പ്രകടനത്തിലൂടെ മീരയെ തേടി മികച്ച നടിക്കുള്ള സംസ്ഥാന ടിവി അവാര്‍ഡ് എത്തിയിരുന്നു. അതിന് മുമ്പ് ഹിന്ദിയിലും തമിഴിലും മീര സീരിയലുകള്‍ ചെയ്തിരുന്നു. പിന്നീടാണ് മീര സിനിമയിലെത്തുന്നത്.
Post Your Comments