മലയാളത്തിലെ സൂപ്പര്‍ താരങ്ങളായ പൃഥ്വിരാജിനേയും ഫഹദ് ഫാസിനേയും നായകന്മാരാക്കിയും താര രാജാവ് മോഹന്‍ലാലിനെ വില്ലന്‍ വേഷത്തില്‍ അവതരിപ്പിക്കുന്ന ചിത്രം അണിയറയില്‍ സംവിധായകന്‍ മിഥുന്‍ മാനുവല്‍ തോമസ് ഒരുക്കുകയാണെന്ന വാര്‍ത്ത സോഷ്യല്‍ മീഡിയയില്‍ പ്രചരിച്ചിരുന്നു. എന്നാല്‍ അത് സത്യമല്ലെന്ന് തുറന്നു പറയുകയാണ്‌ സംവിധായകന്‍.
മോഹന്‍ലാലിനേയും പൃഥ്വിരാജിനേയും ഫഹദിനേയും വെച്ച്‌ സിനിമ എടുക്കാനുള്ള ഒരു കഥ തന്റെ കയ്യില്‍ ഇല്ലെന്നും മിഥുന്‍ മാനുവേല്‍ ഫേസ്ബുക്കില്‍ പറഞ്ഞു.
‘ ലാലേട്ടന്‍ വില്ലന്‍, പൃഥ്വിരാജ്, ഫഹദ് എന്നിവര്‍ നായകന്മാര്‍; മിഥുന്‍ മാനുവല്‍ തോമസിന്റെ പുതിയ ചിത്രത്തിന്റെ വാര്‍ത്തയെ കുറിച്ച്‌ സംവിധായകന്‍ പ്രതികരിക്കുന്നു” എന്ന തലക്കെട്ടില്‍ വന്ന വാര്‍ത്തയുടെ സ്‌ക്രീന്‍ ഷോട്ട് പങ്കുവെച്ചുകൊണ്ടാണ് മിഥുന്‍ ഫേസ്ബുക്കില്‍ രംഗത്തെത്തിയത്.
പോസ്റ്റ്‌
Heavy combo of actors.. !! ഇവരുടെ മൂന്നാളുകളുടെ കൂടെ എന്റെ ഫോട്ടോ കാണുമ്പോൾ വല്ലാത്ത സന്തോഷം ഉണ്ട്.. !! ?? പക്ഷേ, ഇങ്ങനെയൊന്ന് ഞാൻ പറഞ്ഞിട്ടില്ല.. !! കാരണം എന്റെ കയ്യിൽ അങ്ങനൊരു കഥ ഇല്ല.. !!?? പലരും ആവർത്തിച്ചാവർത്തിച്ചു അന്വേഷിക്കുന്നത് കൊണ്ട് ഇതൊരു ഔദ്യോഗിക പ്രതികരണമായി ദയവായി കണക്കാക്കുക.. !!
Post Your Comments