എനിക്ക് പണമേ വേണ്ട’ ; ചില സന്ദേശങ്ങളും മൂല്യങ്ങളും ജനങ്ങളിലേക്ക് എത്തിക്കാനാണ് ബിഗ് ബോസിൽ എത്തിയത് – ഡോ രജിത് കുമാർ പറയുന്നതിങ്ങനെ

ഒരു മത്സരത്തിൽ പങ്കെടുക്കുമ്പോൾ സ്വാഭാവികമായും അതിലെ വിജയിയാകുക എന്നതായിരിക്കും ഓരോ മത്സരാർഥിയുടെയും ഉള്ളിലെ ലക്ഷ്യം. സഹതാരങ്ങളോട് എത്രയൊക്കെ സ്നേഹവും അടുപ്പവും ഉണ്ടെന്നു പറഞ്ഞാലും ലക്ഷ്യം എല്ലാവർക്കും പ്രധാനമാണ്.

എന്നാൽ ബിഗ് ബോസ് മത്സരാർത്ഥി രജിത് കുമാറിന്റെ കാര്യം ഇങ്ങനെയല്ല. തനിക്ക് കോടികൾ സമ്മാനം വാങ്ങി പോകാൻ ആഗ്രഹമില്ലെന്നാണ് അദ്ദേഹത്തിന്റെ വാക്കുകൾ. ‘എനിക്ക് പണം വേണ്ട, എനിക്ക് പണമേ വേണ്ട’ എന്നാണ് രജിത് പറഞ്ഞത്.

ചില സന്ദേശങ്ങളും മൂല്യങ്ങളും ജനങ്ങളിലേക്ക് എത്തിക്കാനാണ് താൻ ഇത്ര പ്രശസ്തമായ മത്സരത്തിൽ പങ്കെടുക്കാൻ എത്തിയതെന്നാണ് രജിത്തിന്റെ വാക്കുകൾ. എന്റർടൈൻമെന്റ് ഉറപ്പായിട്ടും ഒരു സുപ്രധാന ഘടകമാണെന്നും രജിത് പറയുന്നു. അതിനായി താൻ ശ്രമിക്കുമെന്നാണ് രജിത് സ്വയം പറയുന്നത്.

‘കുറെയെണ്ണം നീന്തിയും സൈക്കിൾ ചവിട്ടിയോ ഡാൻസ് കളിച്ചുമൊക്കെ എന്റർടൈൻമെന്റ് നല്കുന്നുണ്ട്. അവർ ചെയ്യുന്നതൊക്കെ ഞാനും ചെയ്യും’, രജിത് പറഞ്ഞു. പിന്നാലെ ഫക്രുവുമായി തന്റെ പുതിയ ഗെയിം പ്ലാൻ ചർച്ചചെയ്യുന്ന രജിത്തിനെയും എപ്പിസോഡിൽ കാണാൻ കഴിഞ്ഞു. ഇപ്പോഴാണ് തനിക്ക് കളിയുടെ ഗതി മനസിലായതെന്നും ഇനിമുതൽ തന്റെ കളികൾ പുറത്തെടുക്കുമെന്നും രജിത് പറയുന്നു. എന്നാൽ ‘നിങ്ങൾ എന്താണോ അതിൽ നിന്ന് വ്യതിചലിക്കരുത്’ എന്നാണ് ഫുക്രു നൽകിയ ഉപദേശം.