തന്‍ഹാജി: ദി അണ്‍സംഗ് വാരിയര്‍; ലോകമെമ്പാടുമുള്ള പ്രേക്ഷകരുടെ മനസ്സു കീഴടക്കി അജയ് ദേവ്ഗണ്‍ ചിത്രം മുന്നേറുന്നു

ലോകമെമ്പാടുമുള്ള പ്രേക്ഷകരുടെ മനസ്സു കീഴടക്കി അജയ് ദേവ്ഗണ്‍ ചിത്രം തന്‍ഹാജി: ദി അണ്‍സംഗ് വാരിയര്‍ മുന്നേറുകയാണ്. ഓം റൗത്താണ് തന്‍ഹാജി സംവിധാനം ചെയ്തിരിക്കുന്നത്. അജയ് ദേവ്ഗണിനൊപ്പം സെയ്ഫ് അലി ഖാന്‍, കജോള്‍ എന്നിവരും പ്രധാന വേഷത്തില്‍ എത്തുന്നുണ്ട്.

ബോളിവുഡ് നടി ദീപിക പദുക്കോണിന്റെ ചിത്രം ഛപ്പാക്കിനെ പിന്നിലാക്കി അജയ് ദേവ്ഗണിന്റെ തന്‍ഹാജി: ദി അണ്‍സംഗ് വാരിയര്‍ കുതിപ്പ് തുടരുകയാണ്. ദീപികയുടെ ഛപ്പാക്കിന്റെ ആദ്യ ദിവസത്തെ കളക്ഷന്‍ റിപ്പോര്‍ട്ടുകള്‍ അത്ര ശുഭകരമല്ല.

4.75 കോടി രൂപ മാത്രമാണ് ഛപ്പാക്കിന് നേടാനായത്. അതേസമയം ഛപ്പാക്കിനൊപ്പം എത്തിയ അജയ് ദേവ്ഗണിന്റെ തന്‍ഹാജി: ദി അണ്‍സംഗ് വാരിയര്‍ ആദ്യ ദിവസം വന്‍ കുതിപ്പാണ് നടത്തിയത്. 15.10 കോടിയായിരുന്നു തന്‍ഹാജിയുടെ കളക്ഷന്‍.

ALSO READ: അനു സിത്താരയാണ് മലയാളത്തിലെ ഏറ്റവും ഭംഗിയുള്ള നടി;- ഉണ്ണി മുകുന്ദൻ

5-7 കോടി വരെ ആദ്യ ദിവസം ചപ്പാക്ക് നേടുമെന്നാണ് പ്രതീക്ഷിച്ചിരുന്നത്. എന്നാല്‍ വിചാരിച്ച കുതിപ്പു നേടാന്‍ ചിത്രത്തിനായില്ല. തന്‍ഹാജി പ്രതീക്ഷിച്ചത് 10- 14 കോടിയും. അജയ് ദേവ്ഗണ്‍ പ്രതീക്ഷകള്‍ക്കപ്പുറമുള്ള പ്രകടനം കാഴ്ചവച്ചു. മേഘ്‌ന ഗുല്‍സറാണ് ഛപ്പാക്ക് സംവിധാനം ചെയ്തിരിക്കുന്നത്. ആസിഡ് ആക്രമണത്തെ അതിജീവിച്ച ലക്ഷ്മി അഗര്‍വാളിന്റെ കഥയാണ് ചിത്രം പറയുന്നത്. ദീപിക തന്നെയാണ് ചിത്രം നിര്‍മിച്ചിരിക്കുന്നത്.