ബിഗ് ബോസിൽ ആ നാലു പേരൊഴികെ എനിക്കാരെയും ഇഷ്ടമല്ല , മഞ്ജു ചേച്ചിയൊക്കെ ഏറ്റ സാധനം ആണ് ; ഫുക്രുവിന്റെ തുറന്ന് പറച്ചിൽ

ബിഗ് ബോസ് സീസൺ 2 നാലാം ദിവസത്തിലേക്ക് കടക്കുമ്പോൾ സംഭവബഹുലമായ നിമിഷങ്ങളാണ് വീടിനുള്ളിൽ നടക്കുന്നത്. സ്വയം പരിചയപ്പെടുത്തുന്ന ടാസ്ക്കിൽ ഇത് വരെ, വീണ, സോമദാസ്‌, സുജോ, പാഷാണം ഷാജി, രജിത്ത്, ആര്യ എന്നിവരാണ് വന്നത്. നാല് ദിവസം കൊണ്ട് തന്നെ പരസ്പരം അറിയാത്ത മത്സരാർത്ഥികൾക്ക് മനസ്സിലാക്കാനും,സ്വഭാവങ്ങൾ ഉൾകൊള്ളാനും സാധിച്ചിട്ടുണ്ട്. എന്നാൽ ചിലരുടെ അമിത ഇടപെടലുകൾ വീടിനുള്ളിൽ ചർച്ചയ്ക്കും വഴിതെളിയിച്ചു. ബിഗ് ബോസ് തുടങ്ങിയ അന്ന് മുതൽ തന്നെ മറ്റ് മത്സരാർത്ഥികളുടെ ഇടയിൽ രജിത് ആണ് ചർച്ചാ വിഷയം.

എന്നാൽ കുടുംബത്തിലെ ഏറ്റവും ചെറിയ മത്സരാർത്ഥിയായ ഫുക്രു പ്രേക്ഷകരുടെ മനസ്സിൽ ഇടം നേടിയെടുത്തിട്ടുണ്ട്. ടിക് ടോക് വീഡിയോകളിലൂടെ സോഷ്യൽ മീഡിയയിൽ സ്റ്റാർ ആയിരുന്ന ഫുക്രു ഇടയ്ക്ക് അൽപ്പം വെറുപ്പും സമ്പാദിച്ചിട്ടുണ്ട്. തന്നെ വെറുത്തവർക്ക് മുൻപിൽ താൻ ആരാണ് എന്ന് തെളിയിക്കാനുള്ള അവസാരമായിട്ടാണ് ബിഗ് ബോസിലെ തന്റെ എൻട്രി ഫുക്രു ഉപയോഗപ്പെടുത്തുന്നത്.
ഇപ്പോഴിതാ ഷോയിലെ ഏറ്റവും മുതിർന്ന താരം രാജിനി ചാണ്ടി മുതലുള്ള മത്സാരാർത്ഥികൾക്ക് മാതൃക ആക്കാനുള്ള പെർഫോമൻസാണ് ഇടയ്ക് ഫക്രു കാഴ്ച വയ്ക്കുന്നത്. എങ്കിലും ചില സമയങ്ങളിൽ 23 വയസ്സുകാരൻ വെറും പതിമൂന്ന് വയസ്സുകാരൻ ആകുന്നതും നമുക്ക് കാണാൻ കഴിയും.

പക്ഷെ ചില അവസരങ്ങളിൽ താരം പക്വതയോടെയുള്ള പെരുമാറ്റവും കാഴ്ച വയ്ക്കുന്നുണ്ട് എന്ന് എടുത്ത് പറയാതെവയ്യ. കാരണം,രജിത്തിനെ പറ്റി വീട്ടിലെ മറ്റ് അംഗങ്ങൾ ചില സംസാരങ്ങൾ നടത്തിയിരുന്നു. ഇതിനിടയിലാണ് മറ്റുള്ളവർ പറയുന്നതിന് മുഖ വില നൽകാതെ, കാര്യത്തിന്റെ നിജ സ്ഥിതി നേരിട്ട് മനസിലാക്കാനായി രജിത്തിന്റെ അടുത്ത് ഫുക്രു എത്തുന്നത്. എന്താണ് ചേട്ടാ, എങ്ങിനെയാണ് അബോഷൻ സംഭവിച്ചത്. എല്ലാവരും ഓരോന്ന് പറയുന്നുണ്ടല്ലോ. എന്താണ് സത്യാവസ്ഥ എന്ന് ഫുക്രു തിരക്കുന്ന സീൻ പ്രേക്ഷകർ ഏറ്റെടുത്തു കഴിഞ്ഞു. ഫുക്രു കാണിക്കുന്ന പക്വത മറ്റാരും ഇതേ വരെ പ്രകടിപ്പിച്ചിട്ടില്ലെന്നും പ്രേക്ഷകർ പറയുന്നുണ്ട്.

എന്നാൽ കഴിഞ്ഞദിവസം നടന്ന എപ്പിസോഡിൽ തനിക്ക് നാല് പേരെ ഒഴിച്ചാൽ പെൺപടകളിൽ ആരെയും ഇഷ്ടമല്ല എന്ന് പരീകുട്ടിയോട് തുറന്നു പറയുന്നതും ഫുക്രുവിന്റെ വ്യക്തിത്വമാണ് സൂചിപ്പിക്കുന്നതെന്നും സോഷ്യൽ മീഡിയയിൽ അഭിപ്രായം ഉയരുന്നുണ്ട്. ആര്യചേച്ചി, വീണ ചേച്ചി തസ്‌നി താത്ത, പിന്നെ ഇവൾ( രേഷ്മയാണോ എലീന യാണോ എന്ന കാര്യത്തിൽ വ്യക്തത ഇല്ല ) ഇവരെ മാത്രമേ എനിക്ക് ഇഷ്ടം ഉള്ളൂ. മറ്റൊന്നിനെയും എനിക്ക് ഇഷ്ടമല്ല. മഞ്ജു ചേച്ചിയൊക്കെ ഏറ്റ സാധനം ആണ്. അവരൊക്കെ ഇളകും. ഇളകി ആടും ഇവിടെ. വൻ വയലന്റ് ആകും ഇവിടെയെ ന്നും ഫുക്രു പരീകുട്ടിയോട് വ്യക്തമാക്കി.