തള്ളുമ്പോൾ ഒരു മയം ഒക്കെ വേണ്ടേ ; വീണ നായരുടെ ഫ്‌ളൈറ്റ് ജേർണിക്കെതിരെ സോഷ്യൽ മീഡിയ

ബിഗ് ബോസ് സീസൺ രണ്ടിലേക്ക് ഇത്തവണ എത്തിയത് സമൂഹത്തിന്റെ നാനാ തലങ്ങളിൽ നിന്നുള്ള പതിനേഴ് മത്സരാർത്ഥികളാണ്. സ്വഭാവത്തിലും, പെരുമാറ്റത്തിലും വ്യത്യസ്തത പുലർത്തുന്ന ഇവർ ഒരു വീട്ടിൽ പുറം ലോകവുമായി ബന്ധം ഇല്ലാതെ കഴിയുന്നതോടെയാണ് കളിയുടെ ലെവൽ മറ്റു തലങ്ങളിലേക്ക് ഉയരുന്നത്. ഇപ്പോഴിതാ താരങ്ങളെ ബിഗ് ബോസിൽ പരിചയപ്പെടുത്തുന്ന ടാസ്‌ക്കാണ് ‘നിന്നെ അറിയാൻ’ . ഈസെഗ്മെന്റില് ആദ്യം എത്തിയത് സിനിമാ- സീരിയൽ നടി വീണ നായർ ആണ്. പ്ലസ് ടുവിന് പഠിക്കുമ്പോൾ കുടുംബത്തിന്റെ പ്രാരാബ്ദം തീർക്കാനായി അഭിനയരംഗത്തേക്ക് എത്തിയ താരം കടന്നുവന്ന വഴികളിൽ നേരിട്ട പ്രതിസന്ധികളെ പറ്റിയാണ് തുറന്ന് സംസാരിച്ചത്. ഈ ലോകത്തോട് വിവരങ്ങൾ തുറന്നു പറയുന്നത് വഴി അവർക്ക് നിങ്ങളെ കൂടുതൽ മനസിലാക്കാൻ കഴിയും എന്ന ബിഗ് ബോസിന്റെ നിർദ്ദേശത്തെ തുടർന്നാണു വീണ വിവരങ്ങൾ പറയുന്നത്.

വിവാഹത്തിന് മുൻപ് നടന്ന പ്രതിസന്ധിഘട്ടങ്ങൾ താൻ ഭർത്താവിന്റെ അമ്മയൊഴികെ ആരോടും തുറന്നു പറഞ്ഞിരുന്നില്ലെന്ന് വീണ കഴിഞ്ഞ ദിവസം വ്യക്തമാക്കിയിരുന്നു. പിന്നീട് ഇമോഷണൽ ആയ വീണയെ ടീം ഒന്നടങ്കം ആശ്വസിപ്പിക്കുന്ന രംഗങ്ങളും വൈറൽ ആയിരുന്നു . എന്നാൽ സീരിയൽ നടിയായ താരം ദുഃഖ പുത്രി സീൻ ഷോയിലൂടെ വിടുകയായിരുന്നുവെന്നാണ് സോഷ്യൽ മീഡിയ അഭിപ്രായപ്പെട്ടത്.

ഇതിനു പിന്നാലെയാണ് മൂന്നാം എപ്പിസോഡ് ദിനമായ ഇന്നലെ താരം ഇരുപത്തിയൊന്നാം വയസ്സിൽ ആദ്യമായി നടത്തിയ വിമാന യാത്രയെ  പറ്റി  സംസാരിക്കുന്നത്. താൻ ഖത്തറിലേക്ക് ഒരു ഷോയുടെ ഭാഗമായി പോകുമ്പോഴാണ് ആദ്യമായി വിമാനത്തിൽ കയറിയതെന്നും, ശേഷം യാത്രയ്ക്കിടെ ഉണ്ടായ രസകരമായ കാര്യങ്ങൾ ഇതൊക്കെയാണെന്ന് മഞ്ജു പത്രോസിനോടും അലസാൻട്രയോടുമാണ് വീണ സംസാരിക്കുന്നത്. കഴിക്കാൻ ഭക്ഷണം തന്നപ്പോൾ താൻ ജീവിതത്തിൽ ആദ്യമായിട്ടാണ് ബട്ടർ കാണുന്നതെന്നും, എന്ത് ചെയ്യണം എന്നറിയാതെ അടുത്തിരുന്ന സായിപ്പ് കാണിക്കുന്നപോലെ താൻ കാണിച്ചുവെന്നുമാണ് വീണ വ്യക്തമാക്കിയത്.

എന്നാൽ വീണയുടെ ഈ സംസാരം വെട്ടം സിനിമയിലെ രംഗം അതെ പടി സങ്കല്പ്പിച്ചു വീണ നടത്തുന്ന പൊള്ളയായ ഷോ മാത്രമാണെന്ന് സോഷ്യൽ മീഡിയ ഒന്നടങ്കം അഭിപ്രായപ്പെടുന്നത്. ഇപ്പോൾ മുപ്പതു വയസ്സുകാരിയയായ വീണ ഒൻപതു വർഷം മുൻപ് ബട്ടർ കണ്ടിട്ടില്ല എന്ന് പറഞ്ഞാൽ ഈ ലോകം എങ്ങിനെ വിശ്വസിക്കുമെന്നും, തള്ളുമ്പോൾ ഒരു മയം ഒക്കെ വേണ്ടേ എന്നുമാണ് ഇപ്പോൾ താരത്തിനെതിരെ സോഷ്യൽ മീഡിയ ചോദിക്കുന്ന ചോദ്യങ്ങൾ. മാത്രമല്ല ഉണ്ടായിരുന്ന സ്നേഹം കൂടി കളയല്ലേ എന്ന് അഭിപ്രായപെടുന്നവരും കുറവല്ല.