നിന്റെ ഒപ്പമുള്ള എല്ലാ ദിവസവും എനിക്ക് പ്രത്യേകതകൾ നിറഞ്ഞതാണ് ; ജിസ്മിയെ ചേർത്ത് നിർത്തി ഭർത്താവ്

മഞ്ഞിൽ വിരിഞ്ഞ പൂവ് എന്ന പരമ്പരയിലെ വില്ലത്തി കഥാപാത്രമായ ജിസ്മിയെ ടെലിവിഷൻ പ്രേക്ഷകർക്ക് സുപരിചതമാണ്‌. ചുരുങ്ങിയ സമയം കൊണ്ടാണ് മിനി സ്ക്രീനിലെ മികച്ച വില്ലത്തിമാരിൽ ഒരാളായി ജിസ്മി മാറിയത്. ഒക്ടോബറിൽ ആയിരുന്നു ജിസ്മിയുടെ വിവാഹം നടക്കുന്നത്. സിനിമ സീരിയൽ മേഖലയിൽ പ്രവർത്തിക്കുന്ന ഷിഞ്ജിതാണ് ജിസ്മിയുടെ ഭർത്താവ്. സോഷ്യൽ മീഡിയയിൽ സജീവമായ ഇരുവരും ജീവിതത്തിലെ സുന്ദര നിമിഷങ്ങൾ പ്രേക്ഷകർക്കായി പങ്ക് വയ്ക്കാറുണ്ട്.

വിവാഹത്തതിന് ശേഷം ഇരുവരും തിരികെ ജോലിക്ക് പ്രവേശിച്ചതും ഇരുവരും തമ്മിലുള്ള യാത്രകളും എല്ലാം ആരാധകർക്കായി പങ്ക് വയ്ക്കാറുണ്ട്. ഇപ്പോൾ ജിസ്മിയുടെ പിറന്നാൾ ദിനമായ ഇന്ന് ഭർത്താവ് താരത്തിനായി കുറിച്ചിരിക്കുന്ന വാക്കുകളാണ് സോഷ്യൽ മീഡിയയിൽ തരംഗമാകുന്നത്.

എന്റെ പുഞ്ചിരിയുടെ പിന്നിലെ കാരണം ആരാണ്? എന്റെ ജീവിതത്തിൽ ഡയമണ്ടിനേക്കാൾ വിലമതിക്കുന്ന, എന്റെ ജീവിതം ഇത്രത്തോളം മൂല്യവത്താക്കിയ വ്യക്തിയാണ് എനിക്ക് നീ. നിന്നെ കണ്ടുമുട്ടിയതാണ് എന്റെ ജീവിതത്തിലെ ഏറ്റവും വലിയ കാര്യം. നീ എനിക്ക് രാജകുമാരി ആയിരുന്നു. ഇപ്പോൾ എനിക്ക് നീ എന്റെ മഹാറാണിയാണ്. അത് എന്നും അങ്ങനെ തന്നെ ആയിരിക്കും. എന്റെ ജീവിതത്തിൽ ഉടനീളവും, പരലോകത്തും അങ്ങനെ തന്നെ ആയിരിക്കും. നിന്റെ ഒപ്പമുള്ള എല്ലാ ദിവസവും എനിക്ക് പ്രത്യേകതകൾ നിറഞ്ഞതാണ്. പക്ഷെ ഇന്ന് അൽപ്പം മധുരം കൂടും. കാരണം ഇന്ന് നിന്റെ ദിവസമാണ്. നീ ജനിച്ച ദിവസം. എന്റെ എല്ലാ സ്നേഹത്തോടെയും, ഉമ്മയും ചേർത്ത് ഞാൻ പറയട്ടെ ഹാപ്പി ബർത്ത് ഡേ മൈ സോൾമേറ്റ് ഐ ലവ് യു !എന്നാണ് ഷിൻജിത്ത് ഫേസ് ബുക്കിലൂടെ കുറിച്ചിരിക്കുന്നത്.

നിങ്ങളുടെ സ്നേഹം ഇതേ പോലെ ഇരിക്കട്ടെയെന്നും എല്ലാ വിധ ആശംസകളും നേരുന്നതായും ആരാധകർ പറയുന്നു.