.
ലണ്ടന്‍ ഐ ഷോര്‍ട്ട് ഫിലിം അവാര്‍ഡ് 2019 പ്രഖ്യാപിച്ചു. ലണ്ടന്‍ ഇന്ത്യന്‍ ഫിലിം സൊസൈറ്റി സംഘടിപ്പിച്ച അവാര്‍ഡില്‍ മികച്ച ചിത്രമായി ഷിബു സുലൈമാന്‍ സംവിധാനം ചെയ്ത ഷാഡോ ഐലന്‍ഡാണ് തിരഞ്ഞെടുക്കപ്പെട്ടത്. മികച്ച സംവിധായകനായി മാജിക് ബോണ്ട് എന്ന ഷോര്‍ട്ട് ഫിലിം സംവിധാനം ചെയ്ത എം.ആര്‍.അനൂപ് രാജിനെ തിരഞ്ഞെടുത്തു. ഗെയ്മര്‍, സ്മാര്‍ട്ട് ബോയ്‌സ്,എന്നീ സിനിമകളിലൂടെ ശ്രദ്ധേയനായ എം.ആര്‍.അനൂപ് രാജ് മുമ്പും നിരവധി പുരസ്‌ക്കാരങ്ങള്‍ നേടിയിട്ടുണ്ട്. കൂടാതെ മാജിക് ബോണ്ട് എന്ന ഷോര്‍ട്ട് ഫിലിമിലെ അഭിനയത്തിന് ബിജു നെട്ടറയെ മികച്ച നടനായും തിരഞ്ഞെടുത്തു. ഡ്രീം മേക്കേഴ്സ് പ്രൊഡക്ഷന്‍സ് നിര്‍മ്മിക്കുന്ന മാജിക് ബോണ്ടില്‍ ഒപ്പം എന്ന ചിത്രത്തിലൂടെ ശ്രദ്ധേയയായ മീനാക്ഷിയും, ജെയ്‌സണ്‍ ജേക്കബും, പ്രധാന വേഷത്തില്‍ അഭിനയിക്കുന്നുണ്ട്. സാവന്നയിലെ മഴപ്പച്ചകള്‍ എന്ന ചിത്രത്തിലെ അഭിനയത്തിന് ജയമേനോനെ മികച്ച നടിയായും തിരഞ്ഞെടുത്തു. ആലിയ എന്ന ഷോര്‍ട്ട് ഫിലിമിന്റെ രചനയ്ക്ക്, എ.കെ.ഷാന്‍ മികച്ച തിരക്കഥാകൃത്തായും തിരഞ്ഞെടുക്കപ്പെട്ടു. ലണ്ടനില്‍ ഇന്ത്യന്‍ ഫിലിം സൊസൈറ്റി സംഘടിപ്പിക്കുന്ന ലണ്ടന്‍ ഐ ഷോര്‍ട്ട് ഫിലിം അവാര്‍ഡ് ഇതിനോടക്കം തന്നെ ലോക ശ്രദ്ധ ആകര്‍ഷിച്ചു കഴിഞ്ഞു.
Post Your Comments