നിങ്ങളുടെ അനുഗ്രഹവും പിന്തുണയും ഇനിയും വേണം ; തിരിച്ചുവരവിനൊരുങ്ങി രശ്മി സോമൻ

മിനിസ്‌ക്രീനിലെ ശാലീന സുന്ദരിയായിട്ടാണ് രശ്‌മി സോമൻ എന്ന നടിയെ മലയാളികൾ വിളിക്കാറ്. നല്ല നീണ്ട ഇടതൂർന്ന മുടിയും, വലിയ കണ്ണുകളും, അതിലേറെ അഭിനയ മികവും ഒക്കെയാണ് രശ്മി എന്ന നടിയോട് പ്രേക്ഷകർക്ക് പ്രിയമേറാൻ കാരണം.

അക്കരപ്പച്ച, അക്ഷയപാത്രം, ശ്രീകൃഷ്ണലീല, പെൺമനസ്സ്, മന്ത്രകോടി തുടങ്ങി ഒട്ടനവധി സീരിയലുകളിലൂടെയാണ് താരം സീരിയൽ പ്രേമികളുടെ ഹരമായി മാറുന്നത്.

സീരിയലുകളിൽ തിളങ്ങി നിന്ന സമയത്തായിരുന്നു പ്രമുഖ സംവിധായകനുമായി താരത്തിന്റെ വിവാഹവും പിന്നീട് വിവാഹ മോചനവും നടക്കുന്നത്. അതിനുശേഷം രശ്മി അഭിനയത്തിൽ നിന്നും അൽപ്പ നാളെത്തെ ഇടവേള എടുത്തു.

രശ്മി രണ്ടാം വിവാഹം ചെയ്‌തതും യു ട്യൂബ് ചാനൽ തുടങ്ങിയതടക്കം താരത്തിന്റെ എല്ലാ വിശേഷങ്ങളും മലയാളികൾ ആഘോഷമാക്കിയിരുന്നു. നിരവധി തവണ പ്രേക്ഷകർ രശ്മിയുടെ തിരിച്ചുവരവിനെ പറ്റി ചർച്ചകൾ നടത്തിയിരുന്നു. ഇപ്പോഴിതാ ആ കാര്യങ്ങളെ പറ്റി താരം സോഷ്യൽ മീഡിയയിൽ കുറിപ്പുമായി
എത്തിരിക്കുകയാണ് താരം.

നാലു വർഷത്തെ ഇടവേളക്കുശേഷം അനുരാഗം എന്ന സീരിയലിലൂടെ ഞാൻ നിങ്ങളെ കാണാൻ വരികയാണ് . മുൻപു നിങ്ങൾ എന്നോടു കാണിച്ച സ്നേഹത്തിന്റെ മാധുര്യം ഒട്ടും കുറയില്ലെന്ന് ഞാൻ വിശ്വസിക്കുന്നു എന്ന് പറഞ്ഞുകൊണ്ടാണ് താരം പോസ്റ്റ് ആരംഭിക്കുന്നത്. നിങ്ങൾക്ക്, എല്ലാ പ്രായത്തിലുള്ളവർക്കും ഒരുമിച്ചു കണ്ടു ആസ്വദിക്കാവുന്ന ഒരു സീരീയൽ ആണ് അനുരാഗമെന്നും . എന്റെ കഥാപാത്രം ഞാൻ ഇതുവരെ ചെയ്‌തതിൽ നിന്നും വത്യസ്തമാണെന്നും താരം പറയുന്നു . നിങ്ങളുടെ അനുഗ്രഹവും പിന്തുണയും ആത്മാർത്ഥമായി താൻ ആഗ്രഹിക്കുന്നതായും താരം അറിയിച്ചു.