വാനമ്പാടി പരമ്പരയോടുള്ള ഇഷ്ടം അങ്ങിനെ തന്നെ അതിലെ കഥാപാത്രങ്ങളായി എത്തുന്ന ആളുകളോട് പ്രേക്ഷകർക്കുണ്ട്. മോഹൻകുമാറും, പദ്മിനിയും, രുക്കുവും, കല്യാണിയും, ചന്ദ്രനും, ചന്ദ്രന്റെ സ്വന്തം നിർമ്മലയും ഇവരെല്ലാം ആണ് വാനമ്പാടിയുടെ നെടുംതൂണുകൾ. പ്രത്യേകിച്ചും ചില കഥാപത്രങ്ങളോട് ഒരു പ്രത്യേക ഇഷ്ടം സീരിയൽ ആരാധകർക്ക് ഉണ്ട്. അതിൽ പ്രേക്ഷകർക്ക് നിർമ്മലേട്ടത്തിയോടുള്ള ഇഷ്ടം നമുക്ക് നേരിട്ട് ബോധ്യമായതാണ്.
ഉമ ഇടയ്ക്ക് വാനമ്പാടിയിൽ നിന്നും അൽപ്പം ഇടവേള എടുത്ത സമയത്താണ് താരത്തിന് എത്രത്തോളം പ്രാധാന്യമാണ് പ്രേക്ഷകർ നല്കി വന്നത് എന്ന് മനസിലാകുന്നത്. താരത്തിന്റെ തിരിച്ചു വരവ് പ്രേക്ഷകർ ആഘോഷമാക്കിയിരുന്നു. സോഷ്യൽ മീഡിയയിലും സജീവമായ താരത്തെ ബോൾഡ് ആൻഡ് ബ്യൂട്ടിഫുൾ ആക്ട്രസ്സ് എന്നാണ് അറിയപ്പെടുന്നത്. 2020 ൽ തനിക്ക് വന്ന് ചേർന്ന ഭാഗ്യത്തെകുറിച്ചാണ് താരം ഇപ്പോൾ വ്യക്തമാക്കുന്നത്. മികച്ച രണ്ടാമത്തെ നടിയ്ക്കുള്ള അവാർഡാണ് താരത്തെ തേടിയെത്തിയത്.
2020 ലെ ആദ്യ അവാർഡിന് ഒരുപാട് നന്ദി. ഈ അംഗീകാരം ഒരുപാട് സന്തോഷത്തോടെ സ്വീകരിക്കുന്നു. സത്യജിത് റേ ഫിലിം സൊസൈറ്റിയ്കും , വാനമ്പാടി ടീമിനും , എല്ലാവർക്കും ഒരിക്കൽ കൂടി നന്ദി എന്നാണ് ഉമ സോഷ്യൽ മീഡിയയിൽ കുറിച്ചിരിക്കുന്നത്. നിരവധിയാളുകളാണ് താരത്തിന് ആശംസയുമായി എത്തുന്നത്.
Post Your Comments