പൗരത്വ നിയമഭേദഗതിക്കെതിരെ തിരക്കഥാകൃത്ത് ശ്യാം പുഷ്കരന്‍. പൗരത്വ നിയമഭേദഗതി പച്ചയ്ക്കുള്ള മുസ്ലീം വിരുദ്ധതയാണെന്നായിരുന്നു ശ്യാം പുഷകരന്‍റെ അഭിപ്രായം. ഒറ്റപ്പാലത്ത് നടന്ന അഞ്ചാമത് ഡയലോഗ് ഇന്‍റര്‍നാഷണല്‍ ഫിലിം ഫെസ്റ്റിവലില്‍ സംസാരിക്കുകയായിരുന്നു അദ്ദേഹം.
”എല്ലാവര്‍ക്കും അറിയാമല്ലോ, പച്ചയ്ക്കുള്ള മുസ്ലീം വിരോധമാണ്. വേറൊന്നുമല്ല. ഇവര്‍ കുറേ നാളായിട്ട് അത് തന്നെയാണ് ചെയ്തു കൊണ്ടിരിക്കുന്നത്. വേറെ ഒരുപാട് കാര്യങ്ങളൊന്നും പറയേണ്ടതില്ല. ഇവര്‍ക്ക് മുസ്ലീങ്ങളെ ഇഷ്ടമല്ല. അത് തന്നെയാണ് എനിക്കും തോന്നുന്നത്”. ശ്യാം പറഞ്ഞു.
നേരത്തെ, പൗരത്വ നിയമഭേദഗതിക്കെതിരെ കൊച്ചിയില്‍ നടന്ന പ്രതിഷേധത്തിലും ശ്യാം പുഷ്കരന്‍ പങ്കെടുത്തിരുന്നു. വന്‍ പ്രതീഷേധമായിരുന്നു കൊച്ചിയില്‍ അരങ്ങേറിയത്. സിനിമ പ്രവര്‍ത്തകരും തെരുവിലിറങ്ങിയിരുന്നു. ആഷിഖ് അബു, റിമ കല്ലിങ്കല്‍, നിമിഷ സജയന്‍, ഷെയ്ന്‍ നിഗം, രാജീവ് രവി, ഗീതു മോഹന്‍ദാസ് തുടങ്ങിയവര്‍ പ്രതിഷേധത്തില്‍ പങ്കെടുത്തിരുന്നു.
Post Your Comments