സംസാര ശൈലിയും സ്ളാങ്ങിലെ പ്രശ്നങ്ങളും കൊണ്ട് അന്ന് ആ പരിപാടിയിൽ പങ്കെടുക്കാനായില്ല ; മനസ് തുറന്ന് ഡീഡി

ഡീഡി അല്ലെങ്കിൽ ഡെയിൻ ഡേവിസ് എന്ന താരത്തെ അറിയാത്ത മലയാളികൾ
ചുരുക്കമാണ്. അവതാരകൻ ആയും ഹാസ്യതാരമായും, സിനിമാ നടനായും ഒക്കെ തിളങ്ങിയ ഡെയ്ൻ എന്ന ഡീഡി മലയാളികളുടെ മനസ്സിൽ കുറച്ചുകാലമായി കുടിയിരിക്കുകയാണ്. ഇപ്പോൾ ഉപ്പും മുളകും ലച്ചുവിനെ വിവാഹം കൂടി കഴിച്ചതോടെ ഡീഡി സിദ്ദു ആയി മാറുകയും കൂടുതൽ പ്രേക്ഷക പ്രീതി നേടിയെടുക്കുകയും ചെയ്തു. എന്നാൽ ഇന്ന് കാണുന്ന ഡീഡിയിലേക്ക് എത്തുന്നതിനു മുൻപ് താൻ നേരിട്ട പ്രതിസന്ധി ഘട്ടങ്ങളെപ്പറ്റി പറയുകയുകയാണ് താരം.

ടെലിവിഷൻ അവതാരകൻ ആകാം എന്ന തീരുമാനമാണ് തനിക്ക് ലഭിക്കുന്ന ഈ ആരാധനയ്ക്ക് പിന്നിൽ എന്ന് അദ്ദേഹം പറയുന്നു. തനിക്ക് ബുദ്ധിമുട്ടുകൾ നിറഞ്ഞ ഒരു ബാല്യകാലം ഉണ്ടായിരുന്നതായി താരം വ്യക്തമാക്കുന്നു. ഒരു ഓൺലൈൻ ചാനലിന് നൽകിയ അഭിമുഖത്തിലാണ് താരം ഇതിനെ കുറിച്ച് വ്യക്തമാക്കുന്നത്. ചെറുപ്പം മുതൽ തനിക്ക് അഭിനയ മോഹം ഉണ്ടെന്നും എന്നാൽ വീട്ടിലെ ബുദ്ധിമുട്ടുകൾ കൊണ്ട് അതിനായി കൂടുതൽ ഒന്നും ചെയ്യാൻ ആയില്ലെന്നും താരം പറയുന്നു.

ഡിജെ ഹണ്ട് എന്ന പരിപാടിയിൽ പങ്കെടുക്കാനായി താൻ ആഗ്രഹിച്ചതും എന്നാൽ അക്ഷരസ്ഫുടത ഇല്ലായ്മയും, സംസാര ശൈലിയും സ്ളാങ്ങിലെ പ്രശ്നങ്ങൾ മനസ്സിൽ ഉണ്ടാക്കിയ മുറിപ്പാടുകളെപ്പറ്റിയും ഡീഡി വ്യക്തമാക്കി. അതിനുശേഷം മറ്റൊരു ഒഡിഷനു പോകാനായി അമ്മയുടെ കൈയ്യിൽ നിന്നും 200 രൂപ ചോദിച്ചതും, അമ്മ അത് കടം വാങ്ങി തന്നതും ഡീഡി വ്യക്തമാക്കി. 200 രൂപ വാങ്ങിയപ്പോൾ 2000 രൂപ തിരികെ തരാം എന്ന് പറഞ്ഞിട്ടാണത് വാങ്ങിയതെന്നും, താൻ ടെലിവിഷൻ മേഖലയിലേക്ക് വന്നതിനു ശേഷമാണ് വീട്ടിലെ പ്രാരാബ്ധങ്ങൾ മാറിയതെന്നും ഡീഡിപറയുന്നു.