ബോളിവുഡിന്റെ പ്രിയതാരമാണ് ദീപികാ പദുക്കേണ്‍ ബോളിവുഡില്‍ മാത്രമല്ല തെന്നിന്ത്യയിലും നിറയെ ആരാധകരുള്ള താരമാണ് ദീപിക പദുക്കോണ്‍. ദീപികയുടെ ഭൂരിഭാഗം ചിത്രങ്ങളും തെന്നിന്ത്യയിലും മികച്ച വിജയമാണ് നേടുന്നത്. ഇപ്പോള്‍ സോഷ്യല്‍ മീഡിയയില്‍ വൈറലാകുന്നത് പെതുവേദിയില്‍ വികാരഭരിതയാകുന്ന താരത്തിന്റെ വീഡിയോയാണ്.
ദീപിക ബോളിവുഡില്‍ അരങ്ങേറ്റം കുറിക്കുന്നത് ഓം ശാന്തി ഓം യിലൂടെയാണ് ഈ സിനിമകളിലെ ഗാനങ്ങള്‍ കോര്‍ത്തിണക്കി ട്രിബ്യൂട്ട് ആയാണ് നൃത്തം ഒരുക്കിയിരുന്നത്. ഓം ശാന്തി ഓം, ചെന്നൈ എക്‌സ്പ്രസ്, രാംലീല, പദ്മാവതി തുടങ്ങിയ ചിത്രങ്ങളില്‍ ദീപിക അനശ്വരങ്ങളാക്കിയ കഥാപാത്രങ്ങളെല്ലാം വേദിയില്‍ മത്സരാര്‍ത്ഥികളിലൂടെ മിന്നിമറഞ്ഞു.കൈകള്‍ കൊണ്ട് മുഖം പൊത്തി പൊട്ടിക്കരഞ്ഞ ദീപികയെ ഷോയിലെ ജഡ്ജ് റെമോ ഡിസൂസ ആശ്വസിപ്പിക്കുകയായിരുന്നു. പിന്നീട് വേദിയിലെത്തിയ ദീപിക മത്സരാര്‍ത്ഥികളോട് നന്ദി പറയുകയും ചെയ്തു. ഞാന്‍ നിരവധി സ്റ്റേജ് ഷോകളില്‍ പങ്കെടുത്തിട്ടുണ്ട്. പക്ഷെ, ഇന്ന് ഞാന്‍ അനുഭവിക്കുന്നതെന്തെന്ന് വാക്കുകളാല്‍ പറയാന്‍ സാധിക്കുകയില്ല. എന്റെ ഹൃദയത്തില്‍ നിന്നാണ് ഇത് പറയുന്നത്. നന്ദി ദീപിക പറഞ്ഞു.
താരത്തിന്റെ ഏറ്റവും പുതിയ ചിത്രമായ ഛപാകിന്റെ പ്രൊമോഷന്റെ ഭാഗമായാണ് താരം റിയാലിറ്റി ഷോ വേദിയില്‍ എത്തിയത്. ആസിഡ് ആക്രമണങ്ങളെ അതിജീവിച്ച ലക്ഷ്മി അഗര്‍വാളിന്റെ ജീവിതത്തെ ആസ്പദമാക്കി മേഘന ഗുല്‍സാഗര്‍ സംവിധാനം ചെയ്യുന്ന ചിത്രമാണ് ഛപാക്. ചിത്രത്തില്‍ ലക്ഷമി എന്ന ശക്തമായ കഥാപാത്രമായാണ് ദീപിക എത്തുന്നത് ആരാധകര്‍ കാത്തിരിക്കുന്ന പ്രിയ താരത്തിന്റെ ചിത്രം ജനുവരി 10 ന് തിയറ്ററുകളില്‍ എത്തും.
Post Your Comments