താരങ്ങള്‍ക്കൊപ്പം തന്നെ അവരുടെ മക്കളും പലപ്പോഴും സോഷ്യല്‍ മീഡിയയില്‍ താരങ്ങളാവാറുണ്ട് അതരത്തില്‍ സുപ്പര്‍ താരമാണ് സോഷ്യല്‍ മീഡിയയിലെ കുട്ടിത്താരം ദുല്‍ഖര്‍ സല്‍മാന്റെ മകള്‍ മറിയം അമീറ സല്‍മാന്‍. കുഞ്ഞു മറിയത്തിന്റെ ചിത്രങ്ങളും വിശേഷങ്ങളുമെല്ലാം ദുല്‍ഖര്‍ തന്റെ ആരാധകര്‍ക്കായി ഇടയ്ക്കിടെ സമൂഹമാധ്യമങ്ങളിലൂടെ പങ്കുവയ്ക്കാറുണ്ട്. മകള്‍ ചിത്രം വരയ്ക്കുന്ന ഒരു ചിത്രമാണ് താരം ഇപ്പോള്‍ ഇന്‍സ്റ്റഗ്രാം സ്റ്റോറീസില്‍ ഷെയര്‍ ചെയ്തിരിക്കുന്നത്.
ആര്‍ട്ടിസ്റ്റ് മറിയം എന്നാണ് കുഞ്ഞുമറിയത്തെ ദുല്‍ഖര്‍ വിശേഷിപ്പിക്കുന്നത്. ‘ആ കാലുകള്‍ക്ക് കുഴപ്പമൊന്നുമില്ല, കുട്ടി ആര്‍ട്ടിസ്റ്റ് സ്വയം ടാറ്റൂ ചെയ്തതാണ്,’ എന്നു ദുല്‍ഖര്‍ കുറിക്കുന്നു.മലയാളത്തിന്റെ യങ് സൂപ്പര്‍സ്റ്റാര്‍ ദുല്‍ഖര്‍ സല്‍മാന്റേയും ഭാര്യ അമാല്‍ സൂഫിയയുടേയും എട്ടാം വിവാഹ വാര്‍ഷികമായിരുന്നു ഇന്നലെ. അമാലിനോടുള്ള തന്റെ സ്‌നേഹവും നന്ദിയുമൊക്കെ അറിയിച്ചുകൊണ്ട് ദുല്‍ഖര്‍ പങ്കുവച്ച കുറിപ്പും ശ്രദ്ധയമായിരുന്നു.
തങ്ങളുടെ കുഞ്ഞ് മകള്‍ മറിയത്തിന്റെ മമ്മയായതിനും, സഹോദരിയുടെ മക്കള്‍ക്ക് അമ്മായിയായതിനും എല്ലാര്‍ക്കും പ്രിയപ്പെട്ട അമ്മു ആയതിനും അമാലിനോട് നന്ദി പറയുകയാണ് ദുല്‍ഖര്‍. 2017 മെയ് മാസം അഞ്ചാം തീയതിയാണ് മറിയം അമീറ ജനിക്കുന്നത്. അന്ന് മുതല്‍ തന്റെ ജീവിതം മാറിയെന്ന് മുമ്പ് ദുല്‍ഖര്‍ തന്നെ വെളിപ്പെടുത്തിയിട്ടുണ്ട്. മാര്‍ച്ച് എട്ടിന് വനിതാ ദിനത്തിലും മകള്‍ മറിയത്തിന് ദുല്‍ഖര്‍ വനിതാ ദിനാശംസകള്‍ നേര്‍ന്നിരുന്നു. ‘രണ്ടു വയസേ ആയുള്ളൂ, എങ്കിലും എന്റെ വഴികാട്ടിയാവുകയാണ് പലപ്പോഴുംമകള്‍ മറിയം എന്നും താരം പറയുന്നു.താരത്തെ പോലെ തന്നെ കുഞ്ഞുമറിയത്തിനും ആരാധകര്‍ ഏറെയാണ്.
Post Your Comments