മോഹൻലാൽ ഇപ്പോൾ ചെയ്തു തീർത്ത നിരവധി ചിത്രങ്ങൾക്ക് മുൻപേ റാം എന്ന ചിത്രം ചെയ്യാൻ ആലോചിച്ചിരുന്നു .എന്നാൽ ചിത്രത്തിന്റെ സംവിധായകർ ജീത്തു ജോസഫ് മറ്റു പല പ്രോജക്റ്റുകളുമായി തിരക്കിലായതോടെ മോഹൻലാൽ ചിത്രം വൈകിപ്പിക്കുകയായിരുന്നു . വീണ്ടും സിനിമ നീട്ടി വയ്ക്കാൻ സംവിധായകൻ ആലോചിച്ചിരുന്നെങ്കിലും മോഹൻലാലും സംഘവും സിനിമ ഉടൻ ചെയ്യണമെന്നും ഇനിയും വൈകിയാൽ മോഹൻലാൽ സംവിധാനം ചെയ്യുന്ന സിനിമയ്ക്ക് ശേഷമേ റാം പൂർത്തീകരിക്കാനാകുമെന്നും അറിയിച്ചിരുന്നു.
ഇതോടെ ‘ബറോസ്’ എന്ന മോഹന്‍ലാല്‍ സംവിധാനം ചെയ്യുന്ന ചിത്രത്തിനു മുൻപേ ‘റാം’ എന്ന ചിത്രം ചെയ്യാൻ ജീത്തു ജോസഫ് നിര്‍ബന്ധിതനാകുകയായിരുന്നു .നാല് രാജ്യങ്ങളിലായി ചിത്രീകരിക്കുന്ന ‘റാം’ മോഹൻലാലിന്റെ താരപരിവേഷത്തേയേയും ആക്ടറെയും ഒരു പോലെ പരിഗണിക്കുന്ന സിനിമയാകും. ചിത്രത്തിന്റെ ഫസ്റ്റ് ലുക്ക് പോസ്റ്റർ നേരത്തേ തന്നെ സോഷ്യൽ മീഡിയയിൽ വൈറലായിരുന്നു. വലിയ ക്യാൻവാസിൽ കഥ പറയുന്ന ചിത്രത്തിൽ തെന്നിന്ത്യൻ താരം തൃഷയാണ് നായിക. മോഹൻലാലിനൊപ്പം തെന്നിന്ത്യയിലെ മറ്റു പ്രമുഖ താരങ്ങളും. അണിനിരക്കുമെന്നാണ് റിപ്പോർട്ട്. വ്യത്യസ്ത സാഹചര്യങ്ങളിൽ നടക്കുന്ന ആറു കൊലപാതകങ്ങളാണ് ചിത്രത്തിന്റെ പ്രമേയം. കുഞ്ഞാലി മരയ്ക്കാറിനു ശേഷം മോഹന്‍ലാല്‍ ചെയ്യുന്ന ബിഗ്‌ ബജറ്റ് സിനിമയാണ് റാം. മോഹന്‍ലാലിന്‍റെ തന്നെ മറ്റൊരു ബിഗ്‌ ബജറ്റ് ചിത്രം ‘ബിഗ്‌ ബ്രദര്‍’ ജനുവരിയില്‍ റിലീസിനെത്തും.
Post Your Comments