യുവനടന്‍ ഷെയ്ന്‍ നിഗം നായകനായ വലിയ പെരുന്നാള് പ്രദര്‍ശനത്തിനു എത്തിയിരിക്കുകയാണ്. ചിത്രത്തിനു പിന്തുണയുമായി സംവിധായകന്‍ രാജീവ് രവി. ഒരുപറ്റം കലാകാരന്മാരുടെ ആത്മാര്‍ഥ ശ്രമത്തെ ചില വ്യക്തിവിരോധങ്ങളുടെ പേരില്‍ കാണാതിരിക്കരുതെന്ന് രാജീവ് രവി പറയുന്നു. ആ പ്രവണത സിനിമയ്ക്ക് ഗുണം ചെയ്യില്ലെന്നും ഫേസ്ബുക്കിലൂടെ രാജീവ് രവി കുറിക്കുന്നു.
‘സിനിമയെന്ന കലാരൂപത്തെ വര്‍ണ്ണ/ജാതി – മത വേര്‍തിരിവുകള്‍ക്കപ്പുറം ആസ്വദിക്കുന്നവരാണ് നമ്മളെല്ലാവരും. ഒരു സിനിമ അതിന്റെ സത്യത്തില്‍ നിന്നുകൊണ്ട് കാണാനും അംഗീകരിക്കാനും തയ്യാറാകണം. വലിയപെരുന്നാളില്‍ നല്ലൊരു സിനിമ ഒരുക്കാനുള്ള എല്ലാ ശ്രമങ്ങളും നമുക്ക് കാണാന്‍ സാധിക്കും. അതിന്റെ അണിയറക്കാര്‍ ഈ ചിത്രത്തെ മനോഹരമായാണ് ഒരുക്കിയിരിക്കുന്നത്. ഒരുപറ്റം കലാകാരന്മാരുടെ ആത്മാര്‍ത്ഥ ശ്രമത്തെ ചില വ്യക്തിവിരോധങ്ങളുടെ പേരില്‍ കാണാതിരിക്കരുത്. അതിനു വേണ്ടി എടുത്ത അവരുടെ ശ്രമങ്ങളെ നിഷ്‌കരുണം തള്ളരുത്. ആ പ്രവണത നമ്മുടെ സിനിമയ്ക്കും ഭാഷയ്ക്കുമൊന്നും ഒരു തരത്തിലും ഗുണം ചെയ്യില്ല. മറിച്ച് ദോഷം ചെയ്യും’, രാജീവ് രവി പറയുന്നു.
നവാഗതനായ ഡിമല്‍ ഡെന്നിസ് സംവിധാനം ചെയ്ത ചിത്രമാണ് ‘വലിയ പെരുന്നാള്’. ഹിമിക ബോസ് നായികയായ ചിത്രത്തില്‍ സൗബിന്‍ ഷാഹിര്‍, ജോജു ജോര്‍ജ് എന്നിവരും പ്രാധാന്യമുള്ള കഥാപാത്രങ്ങളെ അവതരിപ്പിക്കുന്നു.
Post Your Comments