മിനിസ്ക്രീൻ പ്രേക്ഷകർ ഇരു കൈയും നീട്ടി സ്വീകരിച്ച താര ജോഡികളാണ് സ്നേഹയും ശ്രീകുമാറും. മറിമായം എന്ന പരമ്പരയിൽ ലോലിതനും മണ്ഡോദരിയും ആയി താരങ്ങൾ എത്തിയപ്പോൾ മുതൽ പ്രേക്ഷകരുടെ മനസ്സിൽ ഇരുവരും ചേക്കേറിയിരുന്നു. ഇപ്പോഴിതാ ഇരുവരും വിവാഹ ജീവിതത്തിലേക്ക് കടന്ന് താര ദമ്പതികൾ ആയപ്പോഴും പ്രേക്ഷകരുടെ ഹൃദയങ്ങളിൽ ഇരുവർക്കുമുള്ള സ്ഥാനവും ഉയർന്നു.
വളരെ ലളിതമായി നടന്ന വിവാഹ ചടങ്ങിന് ഇരുവരും പ്രതീക്ഷിച്ചതിനേക്കാളും കൂടുതൽ ആരാധക പിന്തുണയാണ് ലഭിച്ചത്. വിവാഹ ശേഷം ഇരുവരും ആദ്യമായി ഒന്നിച്ച് ഒരു പരിപാടിയിൽ പങ്കെടുക്കുന്നത് ജെബി ജംഗ്ഷനിലൂടെയാണ്. പരിപാടിയിൽ ഹണിമൂൺ എങ്ങോട്ടാണ് എന്ന് അവതാരകൻ ജോണ്‍ ബ്രിട്ടാസിന്റെ ചോദ്യത്തിന് മറുപടി നൽകുകയാണ് സ്നേഹ. താരത്തിന്റെ മറുപടിയ്ക്ക് ബ്രിട്ടാസ് നൽകുന്ന മറുപടിയുമാണ് സോഷ്യൽ മീഡിയയിലെ ഇപ്പോഴത്തെ ചർച്ച വിഷയം.
വിവാഹത്തിന്റെ പിറ്റേ ദിവസം മുതൽ ഷൂട്ടിങ് ലൊക്കേഷനിൽ എത്തിയ സ്നേഹയും ശ്രീകുമാറും എവിടേക്കാണ് ഹണിമൂൺ ട്രിപ്പ് പ്ലാൻ ചെയ്തത് എന്ന നടി ശ്രീയ രമേശ് ആണ് ചോദ്യം ചോദിക്കുന്നത്. അപ്പോഴാണ് ആ ചോദ്യം ബ്രിട്ടാസ് ഏറ്റുപിടിക്കുന്നത്. ഈ ശ്രീയ ചേച്ചിയുടെ ഒരു കാര്യം എന്ന് പറഞ്ഞു കൊണ്ടാണ് സ്നേഹ മറുപടി നൽകുന്നത്. ഡിസംബർ ലാസ്റ്റ് ഹണിമൂൺ പോകാൻ ആണ് ഞങ്ങൾ ഇരുവരും പ്ലാൻ ചെയ്തിരിക്കുന്നത്. അതായത് ന്യൂ ഇയറിന്റെ ദിവസങ്ങളിൽ. തന്നെ എവിടേക്കാണ് കൊണ്ട് പോകുന്നത് എന്ന് ചോദിച്ചിട്ട് ശ്രീകുമാർ പറഞ്ഞിട്ടില്ലെന്നും സ്നേഹ ഷോയിലൂടെ വ്യക്തമാക്കി. ഇതിനു മറുപടിയായി പുള്ളിക്ക് അതറിയില്ലായിരിക്കും എന്നാണ് ബ്രിട്ടാസ് മറുപടി നൽകുന്നത്. എന്നാൽ അത് ശരിയാണ്. സംഭവം പ്ലാൻ ചെയ്യുന്നതും, ടിക്കറ്റ് ബുക്ക് ചെയ്യേണ്ടതും മിക്കവാറും താൻ ചെയ്യേണ്ടിവരും എന്നാണ് സ്നേഹ ചിരിച്ചു കൊണ്ട് മറുപടി നൽകുന്നത്.
ന്യൂ ഇയറിന് ഹണിമൂൺ പോകാൻ പ്ലാൻ ചെയ്യന്ന നവ ദമ്പതികൾക്ക് ബ്രിട്ടാസ് നൽകിയ ഉപദേശവും ഏറെ രസകരമായ നിമിഷമാണ് ഷോയിലൂടെ സമ്മാനിച്ചത്. ക്രിസ്തുമസും ന്യൂ ഇയറും പ്രമാണിച്ച് ടിക്കറ്റ് റേറ്റ് ഉയരുമെന്നും, ശ്രീലങ്കയും മാലിദ്വീപും സൂപ്പർ ആണ് അവിടേക്ക് പൊയ്ക്കൊള്ളാനുമാണ് ബ്രിട്ടാസ് സ്നേഹയോടും ശ്രീകുമാറിനോടും ഉപദേശമായി പറയുന്നത്.
Post Your Comments