സത്യൻ അന്തിക്കാടിൻ്റെ മകൻ അനൂപ് സത്യൻ ആദ്യമായി സംവിധാനം ചെയ്യുന്ന ചിത്രത്തിൻ്റെ ഷൂട്ടിങ് അവസാനിച്ചു. ചിത്രത്തിലെ മുഖ്യകഥാപാത്രത്തെ അവതരിപ്പിക്കുകയും ചിത്രം നിര്‍മ്മിക്കുകയും ചെയ്യുന്ന ദുൽഖര് തന്നെയാണ് ഇക്കാര്യം ആരാധകരുമായി പങ്കുവെച്ചിരിക്കുന്നത്. ദുൽഖര് പ്രൊഡക്ഷൻസിൻ്റെ ബാനറിൽ എം സ്റ്റാര്‍ ഫിലിംസും വേഫെറര്‍ ഫിലിംസും ച്ര്‍ന്ന് നിര്‍മ്മിക്കുന്ന ചിത്രം പ്രഖ്യാപന വേളയിൽ തന്നെ ഏറെ ശ്രദ്ധിക്കപ്പെട്ടിരുന്നു.
അങ്ങനെ അത് കഴിഞ്ഞു, വേഫെറര്‍ ഫിലിംസിൻ്റെ മൂന്നാമത്തെ പ്രൊഡക്ഷൻ, ഒരുപക്ഷേ ആദ്യം റിലീസ് ചെയ്യാൻ പോകുന്ന ചിത്രം. അനൂപ് സത്യൻ്റെ കന്നി സംവിധാന സംരംഭം. ഈ ചിത്രത്തിൻ്റെ നിര്‍മ്മാതാവാകാൻ കഴിഞ്ഞതിലും ചിത്രത്തിൽ അഭിനയിക്കാൻ കഴിഞ്ഞതിലും വലിയ സന്തോഷമാണുള്ളത്. എനിക്ക് ഈ സവിശേഷ ഭാഗ്യം തന്നതിന് ഈ ചിത്രത്തിൻ്റെ കാസ്റ്റ് ആൻ്റ് ക്രൂവിലെ ഓരോരുത്തരോടും വലിയ നന്ദി. ചിത്രത്തിൻ്റെ ക്രൂവിനൊപ്പമുള്ള ചിത്രം പങ്കുവെച്ചുകൊണ്ട് ദുൽഖര് കുറിച്ചു.
അനൂപ് സത്യന്‍ സംവിധാനം ചെയ്യുന്ന ചിത്രത്തില്‍ ദുല്‍ഖറിന്റെ നായികയായി അഭിനയിക്കുന്നത് കല്യാണിയാണ്. അനൂപ് സത്യന്‍ തന്നെയാണ് ചിത്രത്തിൻ്റെ രചനയും നിര്‍വഹിച്ചിരിക്കുന്നത്. സുരേഷ് ഗോപിയും ശോഭനയും ചിത്രത്തിൽ പ്രധാന വേഷങ്ങളിലെത്തുന്നുണ്ട്.
Post Your Comments