വമ്പന്‍ തിരിച്ചു വരവിന് ഒരുങ്ങി ആക്ഷന്‍ ഹീറോ നായകനായും വില്ലനായും ഒരുകാലത്ത് മലയാളത്തില്‍ തിളങ്ങി നിന്ന നടനാണ് ബാബു ആന്റണി. മലയാളത്തില്‍ വില്ലന്‍ വേഷങ്ങളില്‍ എത്തി ആരാധകരുടെ കൈയ്യടി നേടിയ താരമായിരുന്നു അദ്ദേഹം. ഒരു കാലത്ത് സജീവമായിരുന്ന താരം പിന്നീട് സിനിമയില്‍ നിന്നും പിന്‍വാങ്ങുകയായിരുന്നു. സിനിമയില്‍ അത്ര സജീവമല്ലാതിരുന്നിട്ടും ബാബു ആന്റണിയെ ഇന്നും മലയാള സിനിമാ ലോകത്ത് ആരാധകര്‍ ഏറെയുണ്ട്. നീണ്ട ഇടവേളക്ക് ശേഷം ബാബു നായകനാകനായി എത്തുന്ന ചിത്രമാണ് ഒമര്‍ ലുലുവിന്റെ പവര്‍ സ്റ്റാര്‍. ഇപ്പോഴിതാ ചിത്രത്തിലെ ബാബു ആന്റണിയുടെ പുത്തന്‍ ലുക്ക് പുറത്തുവിട്ടിരിക്കുകയാണ് ഒമര്‍ ലുലു.
ബാബു ആന്റണി നമ്മുടെ പവര്‍സ്റ്റാറിലേക്കുള്ള ലുക്ക് എങ്ങനെയുണ്ട് എന്ന തലക്കെട്ടോടെയാണ് ചിത്രത്തിലെ ലുക്ക് ഒമര്‍ ലുലു പങ്കുവെച്ചിരിക്കുന്നത്. ബാബു ആന്റണിയുടെ ട്രോയിംഗ് ചിത്രമാണ് പോസ്റ്റ് ചെയ്തിരിക്കുന്നത്.പ്രിയതാരത്തിന്റെ ചിത്രം ഇതിനോടകം സോഷ്യല്‍ മീഡിയയില്‍ ശ്രദ്ധ നേടിയിട്ടുണ്ട്. നിരവധി പേരാണ് ബാബു ആന്റണിയുടെ തിരിച്ചു വരവ് ചിത്രത്തിന് ആശംസകള്‍ നേര്‍ന്ന് രംഗത്ത് എത്തിയിരിക്കുന്നത് റോഷന്‍ ആന്‍ഡ്രൂസ് സംവിധാനം ചെയ്ത കായംകുളം കൊച്ചുണ്ണിയിലാണ് ബാബു ആന്റണി മലയാളത്തില്‍ അവസാനമായി അഭിനയിച്ച ചിത്രം ബാബു ആന്റണി നായകനാകുന്ന ചിത്രത്തിനായുള്ള കാത്തിരിപ്പിലാണ് ആരാധകര്‍ ഇപ്പോള്‍ . ധമാക്കയാണ് ഒമര്‍ ലുലുവിന്റെ റിലീസിന് ഒരുങ്ങുന്ന പുതിയ ചിത്രം. ജനുവരിയില്‍ ചിത്രം തിയേറ്ററുകളിലെത്തും.
ഹാപ്പിംഗ് വെഡ്ഡിംഗ്, ചങ്ക്സ്, അഡാര്‍ ലവ് എന്നീ ചിത്രങ്ങള്‍ക്ക് ശേഷം ഒമര്‍ ലുലു സംവിധായകനാകുന്ന ധമാക്ക എന്ന ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തിറങ്ങി. ഗുഡ് ലൈന്‍ പ്രൊഡക്ഷന്‍സ് അവതരിപ്പിക്കുന്ന ധമാക്ക എം കെ നാസര്‍ ആണ് നിര്‍മ്മിക്കുന്നത്. ഗോപി സുന്ദര്‍ ആണ് സംഗീതം. ക്യാമറ-സിനോജ് പി അയ്യപ്പന്‍, സാരംഗ് ജയപ്രകാഷ്, വേണു ഓവി കിരണ്‍ ലാല്‍ എന്നിവര്‍ ചേര്‍ന്നാണ് തിരക്കഥയും സംഭാഷണവും ഒരുക്കുന്നത്. ഏറെ പ്രതീക്ഷയിലാണ് ആരാധകലോകം.
Post Your Comments