ഈ വർഷത്തെ കേന്ദ്ര സാഹിത്യ അക്കാദമി അവാർഡ് നേടിയ ശശി തരൂര്‍ എംപിക്ക് ആശംസകളുമായി മമ്മൂട്ടിയും മോഹന്‍ലാലും.ഫേസ്ബുക്കിലൂടെയാണ് ഇരുവരും ആശംസകൾ അറിയിച്ചത്. ‘ആന്‍ ഇറ ഓഫ് ഡാര്‍ക്‌നെസ് എന്ന പുസ്തകത്തിന് സാഹിത്യ അക്കാദമി അവാര്‍ഡ് നേടിയ ഡോ. ശശി തരൂരിന് ഹൃദയംഗമമായ ആശംസകള്‍. ശരിക്കും അര്‍ഹിച്ചിരുന്നത് തന്നെ’,എന്നാണ് മോഹന്‍ലാല്‍ ഫേസ്ബുക്കില്‍ കുറിച്ചത്. സാഹിത്യ അക്കാദമി അവാര്‍ഡ് നേടിയ ശശി തരൂരിന് ആശംസകള്‍ എന്നായിരുന്നു മമ്മൂട്ടിയുടെ വാക്കുകള്‍.ഒപ്പം ശശി തരൂരുമായുള്ള ഒരു ഫോട്ടോയും മമ്മൂട്ടി പങ്കുവെച്ചു.
ഇംഗ്ലീഷ് കഥേതര വിഭാഗത്തിലാണ് ശശി തരൂരിന്റെ ‘ആന്‍ ഇറ ഓഫ് ഡാര്‍ക്‌നെസ്’ പുരസ്‌കാരം നേടിയത്. ബ്രിട്ടീഷ് ഭരണകാലത്തെ ക്രൂരതകള്‍ തുറന്നുകാട്ടുന്ന പുസ്തകമാണ് ‘ആന്‍ ഇറ ഓഫ് ഡാര്‍ക്‌നെസ്’. രാജ്യത്തെ വീണ്ടും ഇരുണ്ട കാലത്തേക്ക് കൊണ്ടുപോകരുതെന്നാണ് തന്റെ അപേക്ഷയെന്നായിരുന്നു അവാര്‍ഡ് പ്രഖ്യാപന വാര്‍ത്തയ്ക്ക് ശേഷം ശശി തരൂരിന്റെ പ്രതികരണം.
ശശി തരൂരിന് കൂടാതെ മലയാളത്തിൽ നിന്നും കവി വി മധുസൂദനൻ നായർക്കും കേന്ദ്ര സാഹിത്യ അക്കാദമി പുരസ്‌കാരം ലഭിച്ചു. അദ്ദേഹത്തിന്റെ ‘അച്ഛൻ പിറന്ന വീട്’ എന്ന കവിതയ്ക്കാണ് പുരസ്‌കാരം ലഭിച്ചത്. മലയാളത്തിൽ ഡോ ചന്ദ്രമതി, എൻഎസ് മാധവൻ, പ്രോഫ എം തോമസ് മാത്യു എന്നിവരാണ് ജൂറിമാരായി ഉണ്ടായിരുന്നത്.
Post Your Comments