മഞ്ജു വാര്യരേ നേരിട്ട് കാണണം എന്നുള്ളതായിരുന്നു തന്റയെ ഏറ്റവും വലിയ ആഗ്രഹം ; വെളിപ്പെടുത്തലുമായി അനുശ്രീ

മഞ്ജു വാര്യർ, അനുശ്രീ എന്നിവരെ കേന്ദ്ര കഥാപാത്രങ്ങളാക്കി റോഷൻ ആൻഡ്രൂസ് സംവിധാനം ചെയ്തിരിക്കുന്ന ചിത്രമാണ് പ്രതി പൂവൻ കോഴി. റോഷൻ ആൻഡ്രൂസ് ഒരു അഭിനേതാവായി മലയാള സിനിമയിൽ രംഗ പ്രവേശനം നടത്താൻ ഒരുങ്ങുന്ന ചിത്രം എന്ന പ്രത്യേകതയുമുണ്ട് ഇതിന്.

മഞ്ജു വാര്യർ- അനുശ്രീ എന്നിവർ ആദ്യമായാണ് ഒരു ചിത്രത്തിൽ അഭിനയിക്കുന്നത്. മഞ്ജു വാര്യരേ കാണണം എന്നുള്ളത് തന്റെ ഏറ്റവും വലിയ ആഗ്രഹം ആയിരുന്നുവെന്ന് പറയുകയാണ് അനുശ്രീ. ഓൺലുക്കേഴ്‌സ് മീഡിയക്ക് നൽകിയ അഭിമുഖത്തിലാണ് താരം ഇതിനെ കുറിച്ച് പറഞ്ഞത്.

താൻ സിനിമയിൽ വന്നപ്പോൾ മഞ്ജു വാര്യർ സിനിമയിൽ വീണ്ടും വന്നിട്ടില്ലയെന്നും എപ്പോഴെങ്കിലും കാണാം എന്ന പ്രതീക്ഷ മാത്രം ഉണ്ടായിരുന്നുള്ളു എന്ന് അനുശ്രീ പറയുകയുണ്ടായി. ഈ സിനിമയ്ക്ക് വേണ്ടി ഒന്നര മാസത്തോളം ഒരുമിച്ചു അഭിനയിക്കാൻ സാധിച്ചു എന്നത് ആലോചിക്കുമ്പോൾ സന്തോഷമുള്ള കാര്യമാണെന്ന് അനുശ്രീ വ്യക്തമാക്കി. നമ്മൾ കാണാൻ ആഗ്രഹിച്ചിരുന്ന ആൾ എങ്ങനെയാണ് സിനിമയിൽ വർക്ക് ചെയ്യുന്നതെന്ന് കാണാൻ ഏറെ കൗതുകമായിരുന്നു എന്ന് താരം സൂചിപ്പിച്ചു. എങ്ങനെയാണ് മഞ്ജു വാര്യർ സ്ക്രിപ്റ്റ് പഠിക്കുന്നതെന്ന് ആദ്യ ദിവസങ്ങളിൽ മാറി നിന്ന് വീക്ഷിച്ചിട്ടുണ്ടെന്നും താരം കൂട്ടിച്ചേർത്തു. മഞ്ജു വാര്യർ എന്ന വ്യക്തിയെ സെറ്റിൽ കാണാൻ സാധിക്കില്ലയെന്നും മാധുരി എന്ന കഥാപാത്രത്തെ മാത്രമേ ഉടനീളം കാണാൻ സാധിച്ചുള്ളൂയെന്ന് അനുശ്രീ വ്യക്തമാക്കി.