മലയാളി സിനിമ ആരാധകർ എക്കാലവും സ്നേഹത്തോടെ ചേർത്ത് നിർത്തുന്ന താരമാണ് കാവ്യാ മാധവൻ. വിവാഹശേഷം സിനിമയിൽ ഇല്ലെങ്കിലും പൊതുവേദികളിൽ ദിലീപിനൊപ്പം താരം എത്താറുണ്ട്. ഇപ്പോഴിതാ ഇരുവരും ഒന്നിച്ചുള്ളൊരു വിഡിയോ ആണ് സമൂഹമാധ്യമങ്ങളിൽ തരംഗമാകുന്നത്. ദിലീപ് കാതില്‍ പറയുന്നൊരു തമാശ കേട്ട് പൊട്ടിച്ചിരിക്കുന്ന കാവ്യയെ വിഡിയോയിൽ കാണാം.
ദിലീപ് ഓണ്‍ലൈൻ ആണ് വിഡിയോ പങ്കുവച്ചത്. രസകരമായ കമന്റുകളാണ് വിഡിയോയ്ക്ക് ലഭിക്കുന്നത്. കാവ്യയുടെ ചിരി കാണാൻ എന്തുഭംഗിയാണെന്നാണ് ഒരുകൂട്ടർ പറയുന്നത്. ദിലീപ് പറഞ്ഞ തമാശ എന്തെന്ന് പറയാമോ എന്നായിരുന്നു മറ്റു ചിലരുടെ ചോദ്യം. ഈ അടുത്ത് കണ്ട ക്യൂട്ട് വിഡിയോ ആണ് ഇതെന്നും ആരാധകർ പറഞ്ഞു. തൃശൂരിലെ ഒരു വിവാഹ ചടങ്ങിൽ പങ്കെടുക്കാൻ എത്തിയതായിരുന്നു ദിലീപും കാവ്യയും.
Post Your Comments