മലയാള സിനിമയുടെ ലേഡീ സൂപ്പര്‍സ്റ്റാര്‍ ഓരോ ദിവസം കഴിയുംതോറും അത്ഭുതപ്പെടുത്തി കൊണ്ടിരിക്കുകയാണ്. കഴിഞ്ഞ ദിവസം റേഞ്ച് റോവര്‍ കാര്‍ ഓടിച്ച് കൊണ്ട് തേവര സേക്രട്ട് ഹാര്‍ട്ട് കോളേജില്‍ എത്തുകയും വിദ്യാര്‍ഥികള്‍ക്കൊപ്പം ഡാന്‍സ് കളിച്ച് ഞെട്ടിക്കുകയും ചെയ്തിരുന്നു. ഇപ്പോഴിതാ മഞ്ജു വാര്യര്‍ വീണ്ടും ഒരു കോളേജില്‍ ഡാന്‍സ് കളിക്കുന്ന വീഡിയോ ആണ് സമൂഹ മാധ്യമങ്ങളിൽ തരംഗമാകുന്നത്. സിഎംഎസ് കോളേജ് കോട്ടയത്തിലെ വിദ്യാര്‍ഥിനികള്‍ക്കൊപ്പമായിരുന്നു മഞ്ജുവിന്റെ ഡാന്‍സ്. മഞ്ജുവിനൊപ്പം നടി അനുശ്രീയും ഉണ്ടായിരുന്നു. ഇരുവരും കേന്ദ്രകഥാപാത്രങ്ങളായിട്ടെത്തുന്ന പ്രതി പൂവന്‍ കോഴി എന്ന സിനിമയുടെ പ്രമോഷന്റെ ഭാഗമായിട്ടായിരുന്നു നടിമാര്‍ കോളേജിലെത്തിയത്.
വിദ്യാര്‍ഥിനികള്‍ക്കൊപ്പം ചുവടുവെക്കുന്ന നായികമാരുടെ വീഡിയോ അതിവേഗമാണ് സോഷ്യൽ മീഡിയയിൽ തരംഗമായത്. മഞ്ജുവിന്റെ തന്നെ സിനിമകളിലെ ഹിറ്റ് പാട്ടുകള്‍ കോര്‍ത്തിണക്കിയായിരുന്നു ഡാന്‍സ് കളിച്ചത്.
Post Your Comments