മലയാള ചലച്ചിത്ര ലോകത്ത് യുവ നടൻ ഷെയ്ൻ തർക്കം പുകയുമ്പോൾ തന്നെ, ക്രിസ്മസ് അവധിക്ക് താരം നായകനാവുന്ന പുതു ചിത്രം വലിയ പെരുന്നാളും തീയേറ്ററുകളിലെത്താനിരിക്കുകയാണ്. നവാഗതനായ ഡിമല്‍ ഡെന്നിസ് തിരക്കഥയെഴുതി സംവിധാനം ചെയ്യുന്ന പുതിയ ചിത്രം ഡിസംബർ 20ന് പുറത്തിറങ്ങുമെന്നാണ് റിപ്പോർട്ട്. നേരത്തെ പുറത്ത് വന്ന ചിത്രത്തിലെ പോസ്റ്ററിന് വലിയ സ്വീകാര്യത ലഭിച്ചിരുന്നു. ഷെയ്ൻ നിഗത്തിനു പുറമെ, അഭിനയ വിസ്മയങ്ങളായ വിനായകന്‍, സൗബിന്‍ ഷാഹിര്‍, ജോജു ജോര്‍ജ്, അലന്‍സിയര്‍ തുടങ്ങിയവരും ചിത്രത്തില്‍ മുഖ്യ കഥാപാത്രങ്ങളായെത്തുന്നുണ്ട്.
സംവിധായകൻ ഡിമലിനൊപ്പം തസ്രീഖ് അബ്ദുൾ സലാമും ചേർന്നാണ് തിരക്കഥ ഒരുക്കിയിരിക്കുന്നത്. ഈദിന് ചിത്രം പുറത്ത് വരുമെന്നാണ് മുൻപ് അറിയിച്ചിരുന്നെങ്കിലും സാങ്കേതിക കാരണങ്ങളാല്‍ തിയതി മാറ്റേണ്ടി വരുകയായിരുന്നു.സംഗീത സംവിധായകൻ റെക്സ് വിജയൻ ആണ് ചിത്രത്തിന് വേണ്ടി മറ്റ് ഗാനങ്ങളൊരുക്കിയിരിക്കുന്നത്. അന്‍വര്‍ റഷീദ്, ഷുഹൈബ്, മോനിഷ രാജീവ് എന്നിവര്‍ ചേര്‍ന്നാണ് ചിത്രം നിര്‍മിക്കുന്നത്. കുമ്പളങ്ങി നൈറ്റ്‌സ് എന്ന ഹിറ്റ് ചിത്രത്തിന് ശേഷം സൗബിന്‍ ഷാഹിറും ഷെയ്ന്‍ നിഗവും വീണ്ടും ഒരുമിക്കുന്നുവെന്ന പ്രത്യേകതയും ഈ ചിത്രത്തിനുണ്ട്.
Post Your Comments