ഒരു മാജിക് വിഡിയോയാണ് സമൂഹമാധ്യമ ഉപയോക്താക്കൾ കൗതുകത്തോടെ ഇപ്പോൾ പങ്കുവയ്ക്കുന്നത്. ഏതെങ്കിലും രാജ്യത്തെ ആരെങ്കിലും ചെയ്തതൊന്നുമല്ല. നമ്മുടെ നയൻതാര ചെയ്തതാണ്, കാമുകൻ വിഘ്‌നേശ് ശിവനെ അമ്പരപ്പിക്കാൻ. സിനിമ തിരക്കുകളൊക്കെ കുറച്ചു ദിവസത്തേക്ക് മാറ്റിവച്ചു, സമയങ്ങളൊക്കെ സുഹൃത്തുക്കൾക്കൊപ്പം ചിലവഴിക്കുകയാണ് ഈ താര കമിതാക്കൾ. ആ അനുഭവങ്ങളുടെ ചിത്രങ്ങളും വിഡിയോയുമാണ് ഇപ്പോൾ സമൂഹമാധ്യമങ്ങളിലും വൈറലാകുന്നത്.
വിഡിയോയിൽ നയൻതാര മജീഷ്യനെപ്പോലെ മാജിക് ചെയ്യാൻ ശ്രമിക്കുന്നതും സുഹൃത്തുക്കൾക്കൊപ്പം കുസൃതി കാട്ടി ചിരി പടർത്തുന്നതും കാണാം.
നയൻതാരയുടെ ഇത്തവണത്തെ പിറന്നാൾ ആഘോഷിക്കാൻ അമേരിക്കയിലേക്ക് പോകവെയായിരുന്നു ഈ വിനോദങ്ങളൊക്കെ കാട്ടിക്കൂട്ടിയത്. നവംബർ 18നായിരുന്നു തെന്നിന്ത്യൻ താരറാണി നയൻതാരയുടെ ജന്മദിനം.
Post Your Comments