പ്രേക്ഷകരുടെ പ്രിയപ്പെട്ട താരകുടുംബങ്ങളിലൊന്നാണ് പൂര്‍ണിമയുടേത്. അച്ഛനും അമ്മയും മക്കളുമെല്ലാം സിനിമാരംഗത്ത് സജീവമാണ്. വര്‍ഷങ്ങള്‍ നീണ്ട ഇടവേള അവസാനിപ്പിച്ച് അടുത്തിടെയായിരുന്നു പൂര്‍ണിമ സിനിമയിലേക്ക് തിരിച്ചെത്തിയത്. അച്ഛനും അമ്മയ്ക്ക് പുറമെ ഇളയമകളായ നക്ഷത്രയും അഭിനയമാണ് തിരഞ്ഞെടുത്തത്. അച്ഛനൊപ്പം ടിയാനിലൂടെയായിരുന്നു നച്ചു എത്തിയത്.
എന്നാൽ മൂത്ത മകളായ പ്രാര്‍ത്ഥനയെന്ന പാത്തുവാകട്ടെ പാട്ടിലായിരുന്നു കഴിവ് തെളിയിച്ചത്. മോഹന്‍ലാല്‍ എന്ന ചിത്രത്തിലെ ലാലേട്ടാ എന്ന ടൈറ്റില്‍ ഗാനം ആലപിച്ചത് പ്രാര്‍ത്ഥനയായിരുന്നു. ഈ ഗാനം ഏറെ ശ്രദ്ധിക്കപ്പെട്ടിരുന്നു. മാതാപിതാക്കളെപ്പോലെ പാത്തൂട്ടിയും സോഷ്യല്‍ മീഡിയയില്‍ സജീവമാണ്. ചിത്രങ്ങളും വീഡിയോയുമൊക്കെ പങ്കുവെച്ച് പ്രാര്‍ത്ഥന എത്താറുണ്ട്. ഷാന്‍ റഹ്മാനൊപ്പമുള്ള ചിത്രമാണ് ഇപ്പോള്‍ ശ്രദ്ധ നേടിക്കൊണ്ടിരിക്കുന്നത്. പ്രാര്‍ത്ഥനയെ ചേര്‍ത്തുപിടിച്ച് നിര്‍ത്തിയിരിക്കുകയാണ് ഷാന്‍.
അമ്മയുടെ പൊന്‍താരമാണ് നീ പാത്തൂമ്മയെന്ന് പൂര്‍ണിമ കുറിച്ചിട്ടുണ്ട്. അടുത്തിടെ തിയേറ്ററുകളിലേക്കെത്തിയ ഹെലന് ഷാന്‍ റഹ്മാനായിരുന്നു ഈണമൊരുക്കിയത്. ഹെലനായി പ്രാര്‍ത്ഥനയും ഗാനം ആലപിച്ചിട്ടുണ്ടെന്നുള്ള സന്തോഷമാണ് പൂര്‍ണിമ പങ്കുവെച്ചിട്ടുള്ളത്. നിരവധി പേരാണ് താരപുത്രിക്ക് ആശംസ അറിയിച്ച് രംഗത്തെത്തിയിട്ടുള്ളത്.
Post Your Comments