തനിമയുള്ള പ്രമുഖയായ മലയാള നടി എന്ന് ഒറ്റവാക്യത്തിൽ വിലയിരുത്താവുന്ന അഭിനേത്രിയാണ് മഞ്ജു വാരിയർ. നീണ്ട ഇടവേളയ്ക്ക് ശേഷം മഞ്ജുവിന്റെ സിനിമയിലേക്കുള്ള തിരിച്ചുവരവ് വലിയ വിജയമായിരുന്നു. എന്നാൽ, സിനിമ സ്‌ക്രീനുകൾക്ക് പുറമെ സമൂഹമാധ്യമങ്ങളിലും മഞ്ജു പലപ്പോഴും സ്വീകാര്യയാകാറുണ്ട്. അത്തരത്തിൽ നല്ല സ്വാദുള്ള ഭക്ഷണത്തെപ്പറ്റി മഞ്ജു പങ്കുവച്ച വീഡിയോ ഇപ്പോൾ വൈറലാവുകയാണ്. ബഹ്‌റൈനിലെ ഗല്‍ഫ് ഹോട്ടലില്‍ നിന്നുളള ഒരു വീഡിയോ ആണ് മഞ്ജു പങ്കുവെച്ചത്. ഭക്ഷണം കഴിക്കുന്നതിനിടയില്‍ അവിടത്തെ ഷെഫിനൊപ്പമുളള രസകരമായ നിമിഷങ്ങളാണ് വീഡിയയിലുളളത്. ഷെഫ് ഇട്ടുകൊടുന്ന ഭക്ഷണ പദാര്‍ത്ഥം ടേബിളിനപ്പുറത്തിരുന്ന് വാ ഉപയോഗിച്ച് നടി ചാടിപ്പിടിക്കുന്നത് കാണാം.
തുടര്‍ന്ന് അത് കിട്ടിയതിന്റെ സന്തോഷം പ്രകടിപ്പിക്കുന്നതും വീഡിയോയില്‍ കാണാം. സ്വാദുള്ള ഭക്ഷണം പോലെ ആളുകളെ ഒന്നിച്ചു ഇരുത്തുന്ന മറ്റൊന്നും ഇല്ല, ഉച്ചഭക്ഷണം വളരെ രസകരമാക്കിയതിന് ഷെഫ് റെയ്മണ്ടിന് നന്ദി, വിഡിയോയ്‌ക്കൊപ്പം മഞ്ജു വാര്യര്‍ ഇന്‍സ്റ്റഗ്രാമില്‍ കുറിച്ചു. കഴിഞ്ഞ ദിവസം ബഹ്‌റിനില്‍ വെച്ചു നടന്ന കേരളീയ സമാജത്തില്‍ നൃത്തം അവതരിപ്പിക്കാന്‍ എത്തിയതായിരുന്നു നടി.
റോഷന്‍ ആന്‍ഡ്രൂസ് സംവിധാനം ചെയ്യുന്ന പ്രതി പൂവന്‍ കോഴി എന്ന മഞ്ജുവിന്റെ ഏറ്റവും പുതിയ ചിത്രം ക്രിസ്മസിനു തീയേറ്ററുകളിലെത്തും. കഴിഞ്ഞ ദിവസം ഈ ചിത്രത്തിലെ പാട്ട് സോഷ്യല്‍ മീഡിയ വഴി പുറത്തിറങ്ങിയിരുന്നു.
Post Your Comments