മലയാളത്തിലെ സൂപ്പര്‍ താരങ്ങളുടെ നായികയായി നിരവധി സിനിമകളില്‍ വേഷമിട്ട പ്രിയമണി സുരാജിന്റെയും ടിനി ടോമിന്റെയും നായിക വേഷങ്ങളില്‍ നിന്ന് പിന്മാറിയിരുന്നതായി നേരത്തെ വാര്‍ത്തകള്‍ വന്നിരുന്നു. മോഹന്‍ലാല്‍ മമ്മൂട്ടി പൃഥ്വിരാജ് ജയറാം തുടങ്ങിയ താരങ്ങളുടെ നായികയായും തെന്നിന്ത്യന്‍ സിനിമകളിലെ മറ്റു സൂപ്പര്‍ താരങ്ങളുടെ നായികയായും തിളങ്ങി നില്‍ക്കുമ്പോഴായിരുന്നു പ്രിയാമണിയുടെ പിന്മാറ്റം, എന്നാല്‍ സുരാജിന്റെ സിനിമയെക്കുറിച്ച് ആരും തന്നോട് പറഞ്ഞിട്ടില്ലെന്നും പക്ഷെ ടിനിയുടെ നായിക വേഷം ചെയ്യാതിരുന്നതാണെന്നും പ്രിയാമണി പറയുന്നു.
അന്നത്തെ തന്റെ ഒരു ഇമേജ് വെച്ച് ടിനി ടോമിന്റെ നായിക വേഷത്തിലേക്ക് മാറാന്‍ താല്‍പര്യമുണ്ടായിരുന്നില്ല. അങ്ങനെ ചെയ്യുന്നതില്‍ എനിക്ക് സന്തോഷമേ ഉണ്ടായിരുന്നുള്ളൂ. പക്ഷെ പിന്നീടു എന്റെ സിനിമാ കരിയറിനെയാണ് അത് ബാധിക്കുന്നത്. ഞാന്‍ വളരെയധികം ബഹുമാനിക്കുന്ന ഒരു ആര്‍ട്ടിസ്റ്റ് ആണ് ടിനി. പ്രാഞ്ചിയേട്ടനില്‍ ഞങ്ങള്‍ ഒന്നിച്ച് വര്‍ക്ക് ചെയ്തിരുന്നു. സുരാജിന്റെ നായിക വേഷം നിരസിച്ചു എന്ന് പറയുന്നതില്‍ അടിസ്ഥാനമില്ല.അങ്ങനെയൊരു പ്രോജക്റ്റിനെക്കുറിച്ച് പോലും ആരും എന്നോട് പറഞ്ഞിട്ടില്ല.
‘എന്റെ സത്യാന്വേഷണ പരീക്ഷണങ്ങള്‍’ എന്ന ചിത്രത്തിലെ നായിക വേഷം പ്രിയാമണി നിരസിച്ചതായി മുന്‍പ് പല മീഡിയകളും റിപ്പോര്‍ട്ട് ചെയ്തിരുന്നു. ഇതിന്റെ സത്യാവസ്ഥയാണ് അടുത്തിടെ ഒരു ടെലിവിഷന്‍ അഭിമുഖത്തില്‍ പ്രിയാമണി പങ്കുവെച്ചത്.
Post Your Comments